Josefa Black Movers Yi Lwa Kufikela Makumu
Josefa Black movers yi hlule Masekolara Peace Makers hi 1-0, leswi swinga endla leswaku va ringana na xipano xa Mafuyatha FC hi mikutlunya.
Mafuyatha leyi nga ka xiyimo xa le henhla ka tafula ra ligi ra Collins Chabane promotional league stream A.
Xipano xa Josefa Black movers xina ntshembo wo hlula eku heleni ka nguva naswona murhangi wa vantlangi eka xipano xa Black movers Good the General u byerile Nthavela newspaper, leswaku ntlangu lowu a wa vona na xipano xa Masekolara a wu tika, kambe a va vona onge a va faneriwanga hi kuwu hlula.
“Ntlangu a wu tika, naswona a swinga tshembisi leswaku hinga wu hlula, hambiswiritano, hina tani hi xipano hi lwini ku kondza ntlangu wu fika emakumu,” ku vula murhangeri wa vantlangi Good the General.
“Sweswi hi languta eka ntlangu wa hina lowu landzelaka hi matimba yo fana na loko hi langutanile na ntlangu wafinal, tani hi leswi xikongomelo xa hina xo hetelela ku nga ku hlula eka ligi,” ku engetela yena.
Loko hi nwi vutisa mayelana na ntlangu wa vona lowu taka wa ligi na Mhinga Home Sweepers,u hlamurile leswaku handle ko kanakana wu ta va ntlangu wo tika.
Tani hi leswi xipano xa Mhinga Home Sweepers xi lwelaka ku pona endzhaku ka loko xi hluriwile swinene hi Mugqivela.
“Ku vula ntiyiso hi tava na ntlangu wo tika swinene na Mhinga Home Sweepers tani hi leswi va hluriweke hi xipano xa Matiyani Recreation,” ku engeta The general.
Loko General aya emahlweni u kombisa leswaku, va switiva leswaku xipano xa Home Sweepers xitalwa na hi Mahlanga tani hi leswi va lavaka ku pona xihloko xa ligi.
