Masipala wa Giyani wu Hlangana na Vafambisi va TUT eGiyani

Hi Themba Chauke

Meyara wa Masipala wa Giyani mukhaselara Thandhi Zitha a hlanganile na vafambisi va Yunivhesithi ya Thekinoloji ya Tshwane ku ya twa mafambelo ya phurojeke ya rhavi ra yunivhesithi eGiyani. Ku ya hi vurhumiwa bya TUT, va kombisa leswaku yunivhesithi yi tinyiketerile ku vona leswaku rhavi ra TUT eGiyani ra pfula lembe leri taka.

Kasi meyara a heleketiwile hi xipano xakwe xa xipolotiki lexi katsaka xipikara xa masipala mukhaselara Ernest Mboweni, Ximokonkulu xa masipala mukhaselara Thomas Makondo, Nhloko ya Vumaki mukhaselara Thamsanqa Mabunda, Nhloko ya Nkunguhato na Nhluvukiso wa Ikhonomi ya Vaaki mukhaselara Cedric Baloyi xikan’we na mininjhere wa masipala Vusi Khoza eka van’wana.  Loko a gimeta nhlengeletano, Meyara Zitha, u hlambanyile nseketelo wo hetiseka eka TUT loko va ha yisa emahlweni ntirho lowu leswaku wu fika emakumu hi siku leri kunguhatiweke.