Nhlangano wu Fikelela Vana va le Matikoxikaya

Hi Themba Chauke

Nhlangano wa Pink Forum, lowu kongomisiweke eka ku antswisa xiyimo xa ikhonomi ya vaaki, ku antswisa vuhlayiseki bya vaaki, ku antswisa miako ya vaaki, xikan’we na ku pfuneta vaaki ku lwisana na timhaka to fana na madzolonga ya rimbewu, mpfumaleko wa dyondzo na nseketelo wo kayivela wa mpfuno wa miehleketo. Nhlangano lowu wu kongomisiwile eka ku pfuna vaaki eka vutshila, vutumbuluxi byintshwa xikan’we na nhluvukiso wa vaaki, laha ku katsiwaka swiyenge swo hambana-hambana, leswi katsaka mfumo, mabindzu na tiforamu ta vaaki. Pink Forum yi tekeriwile enhlokweni hi mfumo, hi ku tirhisana na Vavasati va varhangeri va tiko lava va katsaka Dokodela Tshepo Motsepe na Mhani Mashatile.

Hi ku tirhisana na va Kellogs eAfrika-Dzonga, Vuma, Aspen Pharmacare, My Walk na WESSA, Pink Forum a yi khomile siku ra Mandela, leri a ri kongomisiwile eka vana, exikolweni xa le hansi xa Timangeni, eBurgersdorp, ku tisa ntshembho na vukorhokeri bya nkoka eka vadyondzi va le matikoxikaya. Mongo wa siku leri a wu ku: Hi ku Simekiwa eka Ndzhaka, Ku Kula eka Vun’we.

Hi siku leri leswi swi kongomisiweke eka vana swi katsa:

Vadyondzi va 400 va kumile titanghu na switirhisiwa swo basisa; swakudya swa nantswo na swakudya swo famba naswona emakaya; ku tiphina hi mitlangu yo hambana-hambana; swakudya swa nhlikani swa xikolo na swirhapa swa swikolo swa tindzumulo.

Leswi swi kongomisiweke eka vaaki swi katsa;

Ku byala misinya ya 50, leyi katsaka ya olive leyi fambisanaka na kurhula na ku tiyisela; kasi tindzawulo ta mfumo leti a ti ri kona ti katsaka ndzawulo ya Xikaya, Rihanyo, Nhluvukiso wa Vaaki na Xiphorisa.