City Power yi Tsema Gezi eAlex.

Hi Themba Chauke
Khamphani ya gezi ya le Joni leyi yi tivekaka hi vito ra City Power yi vula leswaku yi
tsemelerile titambhu ta gezi leti ku vikiwaka leswaku ntsengo wa tona i R2.5 wa
timiliyoni eka pfhumba ro tsemelela gezi leri nga ri ki enawini. Pfhumba leri a ri
endliwa eMahauzana eRiverpark, eAlexandra eJoni hi siku ra 02 Mawuwani 2025.
Titambhu leti tsemiweke, ti vikiwa kuva ti tika kwalomu ka 15 000 kg. Kasi ku tlhela
ku vuriwa leswaku swi na malembe vaaki lava va tirhisa gezi ro ka ri nga ri enawini
leswi swi endlaka leswaku ku va na ntshikekelo eka mphakelo wa gezi etindhawini
letiya.
Maendlelo yo koka gezi swi nga ri enawini, ku vuriwa leswaku hi wona ya endlaka
leswaku tithirasifoma ti tikeriwa leswi swi endlaka leswaku titambhu ta gezi ti hisa
xikan’we na ku bulusa tiithirasifoma ti pfurha ndzilo.
Kasi ndhawu ya Mahauzana, yi vuriwa kuva yi ri ndhawu leyi yi akiweke hi mfumo
kambe yi sukeriwa yi nga se hela ku akiwa kutani vanhu va sungula ku tshama
endhawini liya yi nga helanga, laha va nga tikokela gezi ro ka ri nga ri enawini. Kasi
masipala wa doroba ra Joni wu ya emahlweni na migingiriko yo humesa vaaki lava
tshamaka hi nkani eka miako ya le dorobeni, leswi swi nga le ku lwisiweni hi
mihlangano yo ka yi nga ri ya mfumo.