CLOUD COMPUTING YI PFUNA VANHU KU HLAYISA VUXOKOXOKO EKA SWITIRHISIWA SWA THEKINOLOJI

Hi Andrew Hlongwane

Nyiko Baloyi mutivi wa mhaka ya thekinoloji va tirha tanihi mutivi wa swa ti IT laha a nga kombisa hi mhaka ya matirhelo na nkoka wa cloud computing eka vutomi bya siku na siku.

“Cloud computing i matirhelo ya thekinoloji yintshwa laha hi kotaka ku hlayisa vuxokoxoko bya hina eka emoyeni swo fana na vukandziyisi bya swifaniso, matsalwa, swifaniso eka laptop kasi hi ku tirhisa xitirhisiwa xin’wana na xin’wana hi tlhela hi kuma leswi nga eka laptop ya hina” Nyiko Baloyi wa hlamusela hi cloud computing.

Eka cloud computing hi laha ku valavuriwaka hi swilo swo fana na cloud ndhawu ya vuvekisi leswi tirhiswaka ku hlayisa vuxokoxoko ku fana na loko hi hlayisa vuxokoxoko emoyeni kambe laha sweswi ku tirhisiwaka online ku hlayisa vuxokoxoko lebyi. Kuva munhu a kota ku tirhisa cloud computing munhu u fanele ku kumeka ari ni data kumbe ku tirhisa internet hambi hi wi_ yinene eka xitirhisiwa xa yena tanihileswi cloud computing yi tirhisaka internet ku hlayisa vuxokoxoko. Baloyi u hlamusela leswaku Ku na tikhamphani to hlaya swinene leti nyikaka vanhu ndhawu yo hlayisa vuxokoxoko ku fana na Onedrive, Gmail na Icloud. Baloyi u kombisile leswaku Onedrive i ndhawu ya vuvekisi xa Microsoft, Gmail yi nyika munhu ndhawu ya vuvekisi ya google cloud kasi lava tirhisaka Iphone va tirhisa Icloud leswi hinkwaswo hi loko munhu a titsarisela na khamphani leyi endlaka swa cloud computing.

Minkari hinkwayo loko hi xava tiqingo ta le nyongeni tintshwa hi kota ku kuma swifaniso, tinomboro hambi ku ri leswi hi swi endleke loko hi heta ku tsarisela riqingo leswaku hi hlanganisa na imeyili. “tiqingo ta masiku lawa loko u fanele ku ti tirhisa u komberiwa imeyili laha va kota ku teka vuxokoxoko bya wena byi nghenisiwa eka imeyili ya wena ntsena loko hi nkarhi na nkarhi vuxokoxoko lebyi eka switirhisiwa swa hina byi tshamela ro pfuxetiwa eka vuhlayisi bya hina” Nyiko Baloyi va hlamusela. Gmail va nyika munhu 15gb ya ndhawu ya vuvekisi laha munhu nga kotaka ku hlayisa hambi vukandziyisi bya ti_limu. Mhaka ya konka ngopfu i ku tsarisela xitirhisiwa laha u tsarisaka na khamphani leswaku u kuma ndhawu ya vuvekisi na mhaka yo _kelela internet leswaku u kota ku hlayisa no tlhela u teka swilu leswi loko u fanele ku swi tirhisa eka 15gb leyi u nga tirhisa google photos ku hlayisa swifaniso hi tlhela hi kuma google drive laha u nga tirhisaka ku veka swifaniso hambi ku ri matsalwa. Khombo ra kona hi leswaku swa olova swinene leswaku munhu a yiva vuxokoxoko bya hina loko ku tirhisiwa vuhlanganisi byin’we kumbe loko a tshike a lombe riqingo tanihileswi swi nga lavaki vusirheleri ku pfula leswi hlayisiweke emoyeni hambi yona google photos. Thekinoloji ya muxako yi kona hi kwalaho ka mabindzu lawa ya nga vona swi fanerile ku tirhisa cloud computing tanihileswi mabindzu a ya durheliwa hi ku hlayisa vuxokoxoko bya vanhu hi ku tirhisa maphepha. Cloud computing yi kahle ya pfuna eka mhaka ya remote access laha loko riqingo ra munhu ri lahlekile hi nga kotaka ku yi pfala hi ku tirhisa akhawunti leyi nga hlanganisiwa na riqingo.

Kasi swin’wana swa swona swi katsa mhaka yo kota ku landzelerisa riqingo leswaku munhu loyi nga bela riqingo ra wena enkarhini wa sweswi u kwihi kambe leswi hinkwaswo swi endlekala ntsena loko riqingo leri nga lahleka riri kota ku _kelela internet tanihileswi cloud computing yi tirhisaka ngopfu internet. Cloud computing yina vuvekisi bya le moyeni bya mani na mani na bya le xihundleni lebyi tirhisiwaka hi munhu un’we ku fanisa loko hi vhaka eka tindhawu ta mabindzu na mfumo swa humelela hi byeriwa leswaka vukorhokeri byi pfarile naswona va yimele munhu wo pfula vukorhokeri leswaku va nghenisa kumbe ku humesa vuxokoxoko bya hina.

“Cloud computing I khale yiri kona kambe ahi vanhu hikwavo va tivaka no twisisa hi matirhelo ya cloud computing hikokwalaho swa fanela leswaku vanhu hi tiva no tirhisa swilo leswi” ku gimeta Baloyi.