Ndzawulo ya Vurimi yi tlakusa Vavasati

Hi Themba Chauke

Bindzu ra Nhlengelo leri tivekaka hi Ramahwidi Agricultural Cooperative, leri endlaka migingiriko ya vurimi ra vavasati, ri kokile rinoko MEC wa Vurimi na Nhluvukiso wa Vaaki eka xifundzhankulu xa Limpopo Nakedi Kekana. Bindzu leri ri kumeka ehandle ka tsindza wa Xifundzhankulu, ePolokwane, naswona ri le hansi ka vufambisi bya Sewela Thosago.

Hi ku tirhisa vutumbuluxi lebyi fambisanaka na ku cinca ka maxelo eka vuhumelerisi bya matsavu, xirhapa xi tirhisa ritavala xikanwe na masimu lama pfulekeke. Ntshovelo wa kahle lowu kumekaka eka xirhapa lexi wu katsa, miroho ya xipinichi, ku ya eka matamatisi leswi swi kombisaka ku tinyiketela ka vavasati lava.

Rendzo ra MEC Kekana eka bindzu leri, ri kombisa pfhumba ra Ndzawulo ro tinyiketela eka ku seketela na ku tlakusa vavasati eka timhaka ta Vurimi. Kambe ku tinghenelerisa ka yena, hi ku tihlanganisa na swirho swa bindzu leri, a yingisela mitlhotlho ya vona xikan’we na ku va nyika nseketelo lowu lavekaka.

Rendzo ra MEC, ri kotlana na nkarhi lowu tiko ra Afrika-Dzonga ri languteriweke ku khoma nhlengeletano ya G20, laha xifundzhankulu xi languteriweke ku kombisa vuswikoti bya Vurimi eka misava hinkawayo. Ndzawulo yi tlherile yi tshembhisa ku seketela bindzu leri hi ku va akela ndhawu yo veka swilo leswi
swi humelerisiwaka, na ku fikelela timakete eka swin’wana.