HOSI MAKULEKE A ENDZELA ZIMBABWE

Hosi Makuleke, nkulukumba Humphrey Mugakula, u endzerile tiko akelana ra Zimbabwe ku teka xiave eka nkhuvo lowu a wu ri kona wo tlangela ndhavuko wa Vatsonga lowu tivekaka hi Budula Cultural Festival.

Hosi Mugakula a nga endzelanga tiko ra Zimbabwe a ri swakwe, a fambile na vatsundzuxi va yena laha va nga xixima ndzhaka wa ndhavuko wa Vatsonga. Nkhuvo lowu wu teka vundhawu lembe na lembe emugangeni wa Bolo-Muhlanguleni exifundzeni xa Chiredzi, laha ku hlanganaka Vatsonga va Mozambique, Zimbabwe na Afrika-Dzonga.

Hi nkarhi wa nkhuvo, Hosi Mugakula u khwatihatile matimu na nhlangano lowu nga kona exikarhi ka ndzilikani wa Vatsonga. U tshikelerile hi nkoka wa vun’we, laha a nga boxa leswaku ehandle ka ku va hi aviwile hi vakoloni, vanhu va Afrika i van’we va tlhela va hlanganisiwa hi tindzimi, ndhavuko na tindlela ta vutomi. Marito yakwe ya tiyisisile mongo wa nkhuvo wa ku aka vun’we na ku hlayisa ndzhaka wa Vatsonga.

Nkhuvo wa Budula, leswi swi vulaka leswaku “ndlela leyi hanyaka” hi Xitsonga, wu xiximiwile hi vuyimbeleri, micino, swiphato, swakudya swa xintu, na ku tlangela vutivi na ndzhaka wa Vatsonga. Vaseketeri lava va tluleke ndzilikani ku seketela Hosi Mugakula va tlangile xiave hi ku cincana ka ku tlula mindzilikani exikarhi ka matiko lamambirhi, va tlhela va tiyisisa vun’we exikarhi ka Afrika-Dzonga, Mozambique na Zimbabwe.