Ntlangu wa xibakele wu antswisa rihanyo ra vantshwa va Giyani

Spread the love

Hi Solomon Mathebula

Wanuna wa makume mune [40] wa malembe hi vukhale Immanuel Mutavhatsindi, wale Giyani u xixime xichava hiku simeka xikolo xa ntlangu wa xibakele lexi tivekaka hi Mutavhatsindi Boxing Academy. Xikolo lexi xi na kwalomo ka makume mbirhi wa machudeni vale xikari ka nkaye [9] na khume nhungu [18] wa malembe.

Mutavhatsindi u kulele endhawini leyi vanhu a va tiva ntlangu wa bolo ya milenge tsena, leswi swiendlile leswaku Mutavhatsindi a va na ku navela lokunene ko simeka ntlangu wo hambana na bolo ya milenge. Enkarhini wa ku kula ka yena, majaha kuloni a va hungusa hi swidzidziharisi na ku nwa mabyalwa, leswi a swi engetela vugevenga no onha vutomi
bya vanyingi. Hambiswiriano, Mutavhatsindi u ntirhile yi matimba ku kondza ku navela ka yena ku humelela, laha a nga nghenela ntlangu wa xibakele tanihi muzaberi. Hi lembe ra 2008, u hlawurilwe tanihi muyimelakulangwa wa vunharhu wa vuzaberi bya ntlangu wa xibakele hi va nhlangano wa ntlangu wa xibakele lowu tivekaka hi “Boxing South Africa.”

Mutavhatsindi u tlhele a tlhomiwa risiva tani himuzaberi wa ntlangu wa xibakele wa lembe ra 2019 exifundzheninkulu xa Limpopo. Vutikarhati bya yena eka ntlangu wa xibakelo byi endlile leswaku a vona swifanerile leswaku vantshwa va tiko ra Giyani va hlayiseka tlhelo no hambana na swidzidziharisi. Hilaha a nga teka xiboho xo sungula xikolo xa ntlangu wa xibakele hi lembe ra 2003 eGiyani, hiku pfuniwa hi Bernard Nkatingi, na sira Bushy Mabunda. Sweswi xikolo xa yena xa ntlangu wa xibakele xihungitile vugevenga na maendlelo yo biha hilaha xikokeke rinoko ra vantshwa lavo tala endhawini leyi. Mutavhatsindi u tlhele a hlamusela leswaku ntlangu wa xibakele wu ta hungutanhlayo yaku pfumaleka ka mintirho laha tikweni,
tlhelo no tisa xikwa emakaya.

Hi nkarhi lowu wa ku yimisiwa ka migingiriko ya ntolovelo laha tikweni hikwalo ka xitsongwatsongwana xa Corona, Mutavhatsindi na
machudeni yakwe va boheke ku yimisa migingiriko na vona. Hambileswi a swi nga olovi, kambe Mutavhatsindi u hlamusele leswaku ku landzelela swiletelo leswi nga vekiwa hi presidente wa tiko Cyril Ramaphosa, swina nkoka swinene hilaha vutomi bya vanhu byi nga ta hlayiseka. Mutavhatsindi u hondzele khale ka Meyara wa xifundzhantsongo xa Mopani, Nkakareng Rakgoale, loyi sweswi anga MEC wa vuhluvukisi eka seketelo lowu a nga n’wi nyika wona loko a hlangana na swipiqo eka Afrika-Dzonga kuva Afrika-Dzonga kuva

Immanuel Mutavhatsindi, u navela ku andzisa swikolo swa ntlangu wa xibakele eka timasipala ta xifundzhankulu xa Limpopo, kuendlela leswaku vugevenga byi hunguteka xitalo eka vantshwa va xifundzankulu.


Spread the love

Leave a Reply

Your email address will not be published. Required fields are marked *