Varimi va kuma nkateko wo ya dyondza na van’wana

Spread the love

Hi Temba Chauke

Eunice Maluleke na Sara Mabunda  i varimi lava welaka ehansi ka hlangano wa Slow Food eka pfhumba ra swirhapa swa 10 000 eAfrika, tlhelo swirho swa nhlangano wa vaaki wa Adopt A River, naswona va huma etindhawini ta ka Malamulele.

Va vile na nkateko wo ya hlangana na van’wana varimi eka nhlengeletano leyi a yi khomeriwile eWits Rural Facilities eHoedspruit kona kwala xifundzeninkulu xa Limpopo, endzilikanini wa xifundzhankulu xa Limpopo na Mpumalanga.

 

Nhlengeletano leyi a ku ri yo lemukisa varimi va swakudya swa xintu tindlela leti va nga ti tirhisaka ku hlayisa mbewu.

Eka nhlengeletano leyi a ku ri na varimi vo huma etindhawini to hambana-hambana exifundzheninkulu xa Limpopo, laha a va njhekanjhekisana hi tindlela leti va nga ti tirhisaka ku hlayisa mbewu ya xintu xikan’we na ku ya emahlweni na marimelo ya xintu ku kota ku hlayisa mindyangu ya vona xikan’we na ku dya swakudya leswi nga ri ki na mimirhi, hi xikongomelo xa rihanyu lerinene.

Kasi hi lembe ra 2018, Maluleke u vile na nkateko wo ya e Italy ku ya hlangana na van’wana varimi emisaveni hinkwayo ku ya dyondza hi timhaka leti fanaka.

Varimi lava, va vile na nkateko wo endzela swirhapa leswi rimaka hi ndlela yo tenga, leswi nga thyakisiki mbango, leswaku na vona va ta swi endla etindhawini ta vona.

Lavambirhi va kombisile leswaku va dyondzile swo tala ku katsa na ku rima hi ndlela leyi nga hlayisaka mati eka vurimi bya vona.


Spread the love

Leave a Reply

Your email address will not be published. Required fields are marked *