Vandla ra ANC ri hoyizela muchaviseki Molapo eka ntirho wa yena tani hi Xipikara

Spread the love

Vandla ra ANC eka huvo yo endla milawu exifundzheninkulu xa Limpopo ri amukerile ku hlawuriwa ka muchaviseki Rosemary Molapo, tani hi xipikara xintshwa xa huvo yo endla milawu exifundzheninkulu xa Limpopo eka vufambisi bya vuntlhanu bya mfumo wa xidimokiresi eAfrika-Dzonga, naswona u sungurile yin’wana ya migingiriko eka tikomiti to hambana-hambana ta huvo.

U hlambanyiwile ximfumo tani hi Xipikara, hi Muavanyisi-nkulu Ephraim Makgoba, kusuka eka xiyenge xa Khoto ya le Henhla ya xifundzhankulu xa Limpopo eka ntshamo wa Huvo hi siku ra 16 Mawuwani 2020. Xivandla xa ntirho lowu xi vile kona endzhaku ka ku thoriwa ka Muchaviseki Mavhungu Lerule Ramakhanya ePalamende ya tiko.

Muchaviseki Molapo u le ka rhengu ra vumbirhi tani hi xirho xa Huvo yo endla milawu exifundzheninkulu, naswona u ta na ntokoto wa malembe yo hlaya tani hi leswi a ri mufambisi eka masipala wa Tubatse. U sungurile tani hi khaselara, kambe hikokwalaho ka tidyondzo takwe xikan’we na ntokoto swi endlile leswaku a thoriwa tani hi mufambisi eka makunguhatelo ya masipala.

Nkarhi lowu hinkwawo a ri xandla xa Ximokonkulu xa Huvo, xikan’we na ku va xirho xa Commonwealth Parliamentary Association (CPA), nhlangani wa Tihuvo lowu tirhaka ku seketela mafumelo lamanene, xidimokiresi xikan’we na timfanelo ta vanhu.

Tidyondzo takwe, vutivi bya yena eka timhaka to endla milawu xikan’we na ntokoto wa yena hi swona swi nga endla leswaku swi olovela vandla ra ANC, ku n’wi hlawula eka xivandla lexi, U na tidyondzo ta BA Degree xikan’we na Higher Education Diploma kusuka eYunivhesithi ya N’walungu, leyi sweswi yi nga Limpopo. U na switifikheti swo hlaya swa tidyondzo to engetela kusuka eka tindhawu ta dyondzo to fana na Regenesys, Yunivhesithi ya Free State, Wits na ya Pitori.

U vuriwa ku va a ri mbuyelo wa ku hlawuriwa hi swiyenge swa xidimokirasi hi vaaki, naswona Muchaviseki Molapo u tekiwa tani hi n’watipolitiki loyi a tekaka swiboho leswi nga fanela tani hi xirho xa vandla ra ANC. U rhangerile Ligi ya Vamana ya ANC eka swiyenge swo hambana-hambana, ehansi ka Tubatse, xirho xa vandla ra ANC eka Sekhukhune, u rhangerile tani hi xirhonkulu eka SACP eka Sekhukhune ku sukela hi 2001 ku fika 2015.

Vandla ra ANC ri vula leswaku ri na kutshemba lokunkulu eka yena ku rhangela nhlangano.


Spread the love

Leave a Reply

Your email address will not be published. Required fields are marked *