Tiko ra Russia ri kumile murhi wa COVID-19

Spread the love

Loko misava yi ri karhi yi lwa na ntungu wa vuvabyi bya corona, van’watisayese va tirha vusiku ni nhlikani ku kuma murhi lowu nga ta sivela ku andza ka xitsongwatsongwana xa COVID-19. Hambiswiritano, tiko ra Afrika-Dzonga ri sungurile pfhumba ro kambisisa murhi wo sivela vuvabyi bya ntungu wa corona lowu nga ntumbuluxiwa laha Afrika-Dzonga hi Yunivesithi ya Witwatersrand, ehansi ka vufambisi bya Profesa Shabir Madhi. Pfumbha leri ri ya emahlweni laha tikweni eka xiyenge xo sungula xa nkambisiso.

Tiko ra Russia ri vula leswaku ri wu kumile murhi wo sivela xitsongwatsongwana xa corona, endzhaku ko endla nkambisiso wa murhi eka vanhu va le xikarhi ka malembe yo hambana-hambana hi Yunivhesithi ya Sechenov. Tiko ri vula leswaku ri endlile nkambsiso wa murhi lowu hi ku tirhisa vanhu va kwalomo ka 38 lava nga tinyikela eka pfumbha leri.  “Russia ri vula leswaku vanhu lava vale xikarhi ka malembe ya 18 na 65, naswona va ta tshama va tlhomiwile tihlo ku ringana tin’hweti ta ntsevu ku ta lemuka hilaha va hanyaka hakona endzhaku ka vukamberi lebyi,” ku vula nhloko ya yindlo ya vukamberi etikweni leriya, Alexander Gintsburg.

Hambiswiritano, matiko man’wana yo fana na China lama nga le ku tirhaneni na ku endla murhi wa muxaka lowu, ya na ku sola nyana eka vukamberi bya murhi wa tiko ra Russia. Va vula leswaku vukamberi bya murhi wo sivela vuvabyi bya corona byi teka nkarhi hikuva ku na swiyenge swi nharhu leswi faneleke ku hundza eka swona.

Na loko swiritano, tiko ra China na rona ri lwa hi matimba ku hetisisa nkambisiso wa murhi wa vona lowu nga eka xiyenge xa nharhu xa mahetelelo ya nkambisiso eka nkarhi wa sweswi. Vativi-nkulu va swa tisayese etikweni leri, Dokodela Ali Obaid Al Dhaheri, u vula leswaku nkambisiso wa murhi wo sivela vuvabyi bya corona wu na swiyenge swi nharhu, leswi wu faneleke ku hundza eka swona loko wu nga se nyikiwa vanhu.

“Naswona xiyenge xa nharhu lexi va nga eka xona xa nharhu, i xiyenge xo kambasisa matimba ya murhi eka mimirhi ya vanhu, xiyenge lexi xi fanele ku va xikombisa xa vuhlayiseki bya vutomi bya vanhu vo tala endzhaku ko tlhaveriwa nayiti ya murhi. Kasi xiyenge xa vumbirhi, hilaha ku kamberiwaka vanhu va nhlayo yintsongo ku ta vona hi laha murhi wu tirhaka hakona, loko murhi lowu wu tiriha kahle eka nhlayo leyintsongo ya vanhu, swikomba leswaku van’wa tisayese va nga tlulela eka xiyenge xo hetelela xa vunharhu laha va nga ta ringeta murhi eka nhlayo ya vanhu vo tala . Kasi xiyenge xo sungula xa n’we xo kambela matirhelo ya murhi wa vuvabyi bya corona, hilaha nkambisiso wu endliwaka hi ku tirhisa swiharhi leswi nga na swirho swo yelana munhu,” ku vula Dr Al Dhaheri.

Xo hetelela ku tava na ku tshemba lokunkulu endzhaku ka loko tiko ra Russia ri endlile nkambisiso nakambe eka nhlayo ya vanhu vo tala ku tlula leyi nga kamberiwa eka nkarhi wa sweswi.


Spread the love

Leave a Reply

Your email address will not be published. Required fields are marked *