Vantshwa va tlangela siku ra paseka erivalani ra mitlangu

Khumentsevu wa swipano a swi lwelela xidlodlo na mali ya ntsengo wa R11 000 hi siku ro wisa ra paseka erivaleni ra minltangu ra Strong Runners ka N’wamitwa Shongani

Ehandlenyana ka doroba Tzaneen laha a ku tsuvuka byasi tanihi leswi swipano a swi lwela khapu na mali ya R11 000.

Xipano xa Black Poision xi hlurile xipano xa Albino 3-0. N’watipala wa xipano xa

Albino u kumile karata ra tshwuka endzhaku ko tlanga mutlangi wa Black Poison hi ndlela

ya vusopfa swinene eka xiyimo xa loko mutlangi a langutanile na n’watipala a ri swakwe eka xiphemu xo sungula xa tlangu.

Norman ndlovu tanihi mufambisi wa mphikazano u rhandza ku khensa va seketeri va

tlangu wa bolo ya milenge a heta hi marito yo hlohlotela ku khomana hi xikongomelo xo kurisa tlangu wa bolo eka N’wamitwa. Norman u tsakela ku vona un’wana wa vatlangi va kwale ka N’wamitwa va humelela evuton’wini va tlangela xinwana xa swipano leswikulu laha

Afrika-Dzonga. Norman u khensa va Love Life loko va kotile ku fika na vona va seketela

mphikizano va nyikela mutlangi un’wana na un’wana swifonyo leswaku hambi va ri ehandle ka rivala ra mitlangu va hlayiseka eka xitsongwatsongwana xa Covid-19.

Mphikizano lowu a wu nga endleriwanga vatlangi va N’wamitwa ntsena laha hi vonaka

mutlangi Makhanya loyi a nga kuma sagwadi ra R250 ra mutlangi loyi anga na swikoro swo hlaya eka mphikizano. Makhanya yena u huma emugangeni wa Moleketla

eBolobedu naswona u khensa ntirhisano eka vatlangi kuloni va xipano xa Black

Poison loko va tirhile kahle tanihileswi a nga howisa ka mune. Masagwadi eka mphikizano lowu, swipano swi avelanile R2 000 leswi nga khoma xiyimo xa vunharhu na vumune kasi loko Albino ya ka Xihoko leyi nga kuma xiyimo xa vumbirhi va kume sagwadi ra

R8000. Black Poison yi kumile sagwadi ra R11 000 leyi humeka  emugangeni wa

Runnymede eka Nwamitwa ehansi ka masipala wa Tzaneen. Khumentsevu wa

swipano swi nghenele mphikizano hi mali ya ntsengo wa R1 200.

Muzaberi wa Black Poision, Promise Baloyi a tsakile ngopfu laha a nga khensa majaha ya

yena a vuyelela loko ku ri wona tinghwazi eka mphikizano a vula leswaku eka yena

swi tisa ntsako swinene leswi nga endliwa hi majaha ya Black Poision.