Xipanere u kona ku tsakisa vanhu

Spread the love

Andrew Hlongwane

Dias “Xipanere” Mathebula wa makumenharu wa malembe hi vukhale u lora katara loko a etlele nakona u vula leswaku i xihungasi xa yena xantolovelo.

Xipanere u hlamuserile leswaku u vuyile hi xidumo endlwini ya swa vunanga.

Tanihiloko a tiveka swinene no duma hi risimu ra babalaza leri ri nga teka sagwadi ya khumembiri wa maghidhi eka masagwadi ya vunanga eka Munghana Lonene.

Kambe sweswi Xipanere u humesile alibamu yintshwa leyi vitaniwaka Toll-Gate.

Eka alibamu ya Toll-Gate u kuma tinsimu to fana na Hello ma-baby xikan’we na nwana byala.

Loko Xipanere wa le Lusaka ehandlenyana ka dhoroba ra Tzaneen kwala xifundzankulu xa Limpopo a hlamusela vateki va mahungu va Nthavela u vule leswaku alibamu ya Toll-Gate yi hlamusela leswaku va n’wamarwale kumbe vamavunwa ava pfumeleriwangi emutini hikuva va tshova miti kumbe mindyangu.

“Eka risimu leri ndzi dyondyisa vanhu leswaku a va tshika mavunwa kumbe munhu un’wana na un’wana a ti tshamela e kaya ka yena leswaku unga tshovi mindyangu ya vanhu”, ku vule Xipanere.

Xipanere u tlhele a hlamusela leswaku loko vanhu hi veka ti Toll-Gate e makaya ya hina hinga danisa van’wamavunwa hikuva hi ta va hi va siverile ku nghena va ta h ihembela.

Xipanere u sungurile ku rhandza ku chaya xinari xa katara hi 2015 hiku

hlohloteriwa hi Derrick “Lizzer Boy” Mahlaule.

Eka alibamu leyi tinsimu ta yona ti nga yingiseriwa hi munhu un’wana na un’wana hambi lavakulu kumbe lavantsongo hikuva akuna nhlamba eka yona.

 


Spread the love

Leave a Reply

Your email address will not be published. Required fields are marked *