Xana swakudya swa hina swi hlayiseke ku fika kwihi?

Hi Ngakane Malatji

Dok Mdungazi Knox Maluleke ku suka eka timhaka ta Vurimi na Mbango eyunivhesithi ya Afrika-Dzonga (UNISA) I mutivi wa timhaka ta swakudya.

Dok Maluleke u hlamusela sayese ya swakudya tanihi ku tirhisiwa ka sayese ehenhla ka swakudya tanihi ndlela yo tiyisisa leswaku swakudya leswi hi dyaka swona swi hlayisekile. Mutivi wa swakudya u tirha ku tiyisisa leswaku swakudya swi swi hlayisekile naswona a swi lahlekeriwi hi natswo wa swona. Swakudya leswi swi kamberiwa swilo swo hlaya swa tivhitamini leti fanaka hambi loko swi

hundze eka ku hlutiwa ku fana na loko munhu a dya lamula esin’wini.

Mutivi wa swakudya u tirhisa leswi swi nga swona swi endlaka nchumu wo fana na xinkwa leswaku xi tshama xi hlayisekile naswona Mutivi wa swakudya u tlhela a tiyisisa leswaku ina i ntiyiso swakudya leswi endzhaku ka masiku yo karhi swa ha dyeka. Sayese ya swakudya yi nghenela eka swiphemu swa swakudya hi ndlela leyi kusuka kwale ku byariwaka kona swakudya leswi ku fikelela loko swi ta xavisiwa hi mavhengele.

Mabindzu lawa ya tirhaka ku endla swakudya ku na vanhu lava tirhaka ku langutisa swakudya leswi laha va tirhisaka sayese. Van’wamabindzu lava endleka swakudya va tiyisisa leswaku va thola Mutivi wa swakudya leswaku va languta leswaku xana swakudya leswi swi hlayisekile hi endlelo ya leswaku na hina vaxavi hi

tshama hi ri eka rihanyo ra kahle.

“Khemikhali leyi cheriwaka eka swakudya leswi yi hava nghozi eka vutomi bya vanhu loko yi dyiwa naswona vanhu a va fanelanga ku chava nchumu ntsena va tirhisa swakudya leswi hi nkarhi lowu swi nga vekeriwa wona,” lawa i marito ya Dok Maluleke. “Munhu a nga tirhisa xigwitsirisi xa yena ku hlayisa swakudya kambe swi kahle ku langutisa leswaku swihundzeriwa rini” DOK Maluleke va yisa emahlweni va kombisa.

Swi kahle leswaku loko hi nghena emavhengeleni hi langutisa ‘siku ra vukahle bya swakudya’ kasi marito lawa hikwawo ya tirha kufana loko swi tsariwile eka swakudya. “Munhu loko a tsandzeka ku landzelela swileriso a nga tshika a khoma hi ku dya swakudya lesw nga vhundha leswi karhataka endzeni” lawa i

marito ya DOK Maluleke.

Dok Maluleke va kombisa nkoka wa sayese eka vuhlayiseki bya swakudya tani hi leswi ku tirhisiwaka sayese hi ndlela yo tiyisisa leswaku swakudya swi kumeka swi hlayisekile ku kotisa loko swi huma masin’wini. Swakudya swi kumeka swi hlutiwile ko hlaya leswaku swi kumeka swi ri kahle ku fananisa ni xinkwa laha xi byariwaka ku suka eka mbewu.

Dok Maluleke va angule swihehlo swa mhangu ya leswaku swakudya leswi hi dyaka swona tanihi nyama leyi hi xavaka emavhengeleni tanihileswi ku cheriwaka swin’wana yina khombo eka miri ya hina. Va kombisa leswaku eka nkari wa sweswi kuhava ndzavisiso lowu nga endliwa naswona u tlhela kombisa leswaku mhangu ya muxaka lowu i ntiyiso.