Mufambisi wa Papa Rhulani: U Soriwa Hi Ku Wa Ka Papa Rhulani

HI MATHUNSE HLUKANI

GAZA – Papa Rhulani, muyimbeleri loyi a nga yimisa Gaza hi milenge lembe leringa hundza, sweswinyana u ve ka tinhloko-mhaka ta mahungu endzhaku ka ku nyamala ka yena hi xitshuketa eka vuyimbeleri.

Ahi khale, vaseketeri va yena a va koxa leswaku a humesa risimu kumbe album kambe aswi vangi tano, hiku pfumaleka ka swona, vanhu vo tala va hundzisele nhlokomhaka ya vona eka mufambisi wa yena Philani, loyi a soriwa hi ku wa ka papa Rhulani.

Endzhaku ka tinhweti a ri endzhutini wa vunyami, Mufambisi wa Yena u hlaserile vanhu lava a va n’wi sola hi ku wa ka Papa Rhulani.

Mufambisi Philani u vule leswaku Kuna vanhu lava vanga fositela Papa Rhulani ku a humesa risimu, hi ku hatlisa leswi a swingari ka makungu ya vona.

“Rixaka ra Gaza, ri kombela Papa Rhulani ku humesa risimu rin’wana, kasi van’wana va ndzi sola hi ku wa ka yena,” ku vula Manager Philani.

“…..naswona a ni nga swi koti ku n’wi lawula [Papa Rhulani] hikuva a ni ri Kule, vanhu lava vanga kusuhi na yena, vanwi n’wi yise e studio loko a dakwile,” ku engeterile Mufambisi Philani.

“ Va n’wi khorwisile leswaku a va joyina eka studio xo rhekhoda tani hi leswi a swi nga ri emakungu, a hi fanele ku endla project ya hina hi ku ya hi karhi wa hina,” a engetela.

Mufambisi Philani u ye emahlweni a ku, Namuntlha vanhu lava a va vula leswaku u fanele ku humesa, hi vona va n’wi hlekula no sola mina [Philani].

“Ndza tsaka leswi ndyangu wa yena wu tlangeleke ntirho wa mina na yena … GAZA yi n’wi navelela swo biha na ku wa leswaku va ta tlangela tani hi leswi ku wa ka munhu ku tlangeriwaka ka Matsonga,” ku gimeta Philani.