Mhangu yo chavisa eka M71 eJoni: Munhu Wun’we A hundza Emisaveni, vo tala va vavisekile

Hi MATHUNSE HLUKANI

eJoni – Vaaki va le Joni va le ku rhurhumeleni endzhaku ka mhangu ya movha leyi khomisaka gome egondzweni lerikulu ra M71 ri siye munhu un’we a hundzile emisaveni kasi 21 wa vanhu va vavisekile. Mhangu leyi yi humelerile hi Ravumbirhi ekusuhi na Nambu wa Juskei endhawini ya Lonehill.

Vahlamuri va xilamulela-mhangu va fike endhawini yoleyo hi ku hatlisa kambe a va swi kotanga ku ponisa vutomi bya un’wana wa vachayeri.

Muvulavuleri Emer-G-Med Kyle Van Reenen u vula leswaku loko ku fika vukorhokeri bya xihatla, va kume bakkie leyi mbundzumuxiweke.

“ Wanuna un’wana wa malembe ya makume-nharhu u vavisekile swinene naswona u vuriwile leswaku u file loko ku fika vatirhi va swa vutshunguri,” ku vule muvulavuleri wa Emer-G-Med Kyle Van Reenen.

Mhangu leyi yo vava yita tirha tanihi xitsundzuxo xa nkoka ka vachayeli hi ku hlayiseka, naswona minkarhi hinkwayo ku va va lemuka makhombo emagondzweni.