Vanhu Vanharhu Va hundza Emisaveni EBraamfontein
Vanhu vanharhu ku katsa na xichudeni xa le yunivhesiti va vikiwile leswaku va hundzile emisaveni endzhaku ka ku duvuriwa eBraamfontein, mhangu leyi yi humelerile hi ti 29 Nyenyanyani 2024.
vaehleketeleriwa lava nga tivekiki va duvule vavanuna vambirhi lava a va ri endzeni ka movha lowu a wu pakile naswona hi nkarhi wa ku duvula bazi ra le yunivhesiti na rona ri ti kumile ri ri xikarhi ka xihangu xa matlulo, leswi nga endla leswaku swichudeni swimbirhi swi duvuriwa.
Vavanuna lava a va ri emovheni na xichudeni xin’we va vuriwile leswaku va hundzile emisaveni endhawini ya mhangu kasi xichudeni xin’wana xi yisiwe exibedlhele xa le kusuhi ku ya kuma vutshunguri.
Nsusumeto wa mhangu leyi a wu se tiveka eka karhi wa sweswi naswona, Maphorisa ya le ku endleni ka vulavisisi, naswona nandzu wo dlaya na ku ringeta ku dlaya wu pfuriwile.
A ku se khomiwa munhu mayelana na mhangu leyi.