Mudyondzi A Hundza Emisaveni hinkwalaho ka Chefu ya Swakudya exikolweni
Ndzhawu ya Mogalakwena yi hlaseriwile hi mhangu tani hi leswi mudyondzi un’we a lahlekeriweke hi vutomi bya yena Kasi 52 wa lava van’wana va vabya, leswi swi va Kona endzhaka ka loko ku henhliwa leswaku va dyile swakudya leswi ku ehleketeleriwaka leswaku swina chefu ya swakudya.
Mhangu leyi yi humelerile exikolweni xa le henhla xa Raleledu, hi Ravuntlhanu. Swiviko swi paluxa leswaku ku pfimba ka khwiri ni ku hlanta ku funengete swichudeni endzhaku ka loko swi dye swakudya swa swona.
Mudyondzi wa xisati wa ka giredi ya 9 wa malembe ya 15 hi vukhale u hundzile emisaveni hinkwalaho ka mhangu leyi, kasi lavan’wana hinkwavo va tsutsumisiwile exibedlhele xa George Masebe ku ya kuma vukorhokeri bya xihatla.
Xihlovo xa chefu leyi ya swakudya a xise paluxiwa eka karhi wa sweswi, leswi siyeke Maphorisa ya ri karhi ya hlongorisa tinhlamulo ku kuma laha chefu leyi yi ntumbulukaka kona.
Matome Taueatsoala, muvulavuleri wa dyondzo ya Limpopo, u tiyisisile leswaku vulavisisi lebyi heleleke byi ta sunguriwa ku paluxa rimitsu ra xiendlakalo lexi xo karhata.
