Masipala Wu Endzela Mavhengele Lama Nga Hlayisekangiki
Masipala wa Ba-Phalaborwa wu teka magoza yo tika ku tiyisisa vuhlayiseki bya vaaki va wona hi ku endzelela mavhengele lama nga landzeleriki milawu.
Ku kamberiwa ka swakudya ka sweswinyana loku endliweke hi ku hlanganela hi valawuri vo hambana ku paluxe swilo swo chavisa emavhengeleni ya le Namakgale Crossing na mavhengele lama nga ya vaaki va matiko mambe.
Hi nkarhi wa ku kamberiwa, loku a ku rhangela hi Ndzawulo ya Vupulani na Nhluvukiso ya masipala hi ku tirhisana na Masipala wa Xifundzantsongo xa Mopani, Tindzawulo ta Rihanyo, Timhaka ta le Kaya, na vakhomaxiave van’wana, ku kumiwile nhundzu yo tala leyi hundzeriweke hi nkarhi na swakudya.
Muvulavuleri wa masipala Jonas Mahesu u kombisile ku tika ka xiyimo lexi, a xiya leswaku swilo xikanwe na swakudya leswi hundzuriwaka hi karhi kusukela hi 2019 ku ya fika hi 2023 swi kumiwile eswitolo, naswona leswi swi nga tisaka makhombo ya rihanyo eka vatirhisi kumbe vaaki.
Ku engetela kwalaho, ku kumiwe mavhengele yo hlayanyana ma tlule milawu ya miako, ya rihanyo ni ya vuhlayiseki. Nhlavutelo leyi yi kandziyisa nkoka wo hlayisa switirhisiwa leswi faneleke na ku namarhela milawu ku hlayisa rihanyo ra vaaki.
Ku hlamula eka leswi swi khumbaka leswi kumiweke, masipala wu tivise makungu yo veka swigwevo eka vini va mavhengele lava nga landzeleriki milawu.
Goza leri ra vukorhokeri ri kongomisa ku sindzisa milawu ya vuhlayiseki bya swakudya na ku tiyisisa leswaku mabindzu ya rhangisa vuhlayiseki bya tikhasimende ta wona.
Matshalatshala ya ntirhisano exikarhi ka tiejensi to tala ya kombisa ku tinyiketela loku hlanganeke ku lulamisa swivilelo swa vuhlayiseki na ku hlayisa swiyimo endzeni ka vaaki.
Hi ku endla leswaku mabindzu ya tihlamulela na ku tlakusa ku landzelerisa milawu, Masipala wa Ba-Phalaborwa wu le ku tekeni magoza ya nkoka ku tumbuluxa ndhawu leyi hanyeke kahle no hlayiseka eka hinkwavo.
