Mupfyinyi wa Xinhwanyetana a dya Hansi

Hi Themba Chauke

Maphorisa ya tiko etindhawini ta le Maake eXifundzhenitsongo xa Mopani va sungurile pfhumba ro hlotana na muehleketeleriwa wa xinuna loyi a hehliwaka hi ku pfinya xinhwanyetana xa malembe ya 14 emugangeni wa Moime.

Swiviko swa maphorisa swi kombisa leswaku hi siku ra ti 29 Dzivamusoko, hi nkari wa xidyambu hi 18:00, mutwisiwakuvava a ri ku fambeni na vanghana va yena exitarateni, loko a ta kokakokiwa na ku tlimbiwa hi wanuna loyi a nga tivekiki.

Mutisiwakuvava loyi a nga na malembe ya le hansi, u pfukile a tikuma a nga ambalanga emakhwatini, a vona wanuna loyi a nga tivekiki a ambala buruku, xikan’we-kan’we a dya ehansi hi milenge.

Mutwisiwakuvava u lemukile leswaku u pfinyiwile, kutani a ya ekaya a ya tivisa vandyangu lava va mangaleke mhangu leyi emaphoriseni ya le kusuhi.

Nandzu wo pfinya wu pfuriwile naswona maphorisa ma kombela munhu un’wana na un’wana loyi a nga na vuxokoxoko lebyi byi nga ta pfuna ku khoma muehleketeleriwa loyi ku tihlanganisa na mulavisisi wa nandzu Sejeni Ronney Mathe eka 076 300 0207, kumbe nomboro ya vugevenga ya 08600 10111, kumbe maphorisa ya le kusuhi kumbe MySAPSAapp.

Vulavisisi bya mphaporisa byi ya emahlweni.