Switirhisiwa swa le Migodini swi Kumeka
Hi Themba Chauke
Swirho swa pfhumba ra Vala Umgodi exifundzheninkulu xa Limpopo, va kumile switirhisiwa leswi swi sukeriweke swo endla migingiriko ya le migodini swi nga ri enawini, etindhawini ta Tshilwavhusiku, xikan’we na ku khoma vaehleketeleriwa vambirhi va xinuna hi ku tlula Nawu wa Vuhlapfa etindhawini ta le Makhado, hi Ravunharhu ra ti 30, Dzivamusoko 2025.
Swiviko swa maphorisa swi kombisa leswaku maphorisa ya endlile musecho wo kavanyeta migingiriko yo cela migodi swi nga ri enawini emugangeni wa Zamkoste, etindhawini ta Tshilwavhusiku, laha ku vikiwaka leswaku vaehleketeleriwa loko va vona maphorisa va balekile hi milenge ku ya etindhawini to hambana-hambana.
Maphorisa ma kumile switirhisiwa swo fana na xipedi, tifoxolo ta Ntlhanu, tipiki ti nharhu, swipanere swimbirhi, na jeke ya movha eka ndhawu leyi. Kasi eka yin’wana mhangu, etindhawini ta le Makhado, maphorisa ma khomile vaehleketeleriwa vambirhi va xinuna va maelmbe ya 20 na 22 hi ku tlula nawu wa Vuhlapfa. Vaehleketeleriwa va ta tivonakarisa emahlweni ka khoto ya majisitarata wa le kusuhi ku nga ri khale, naswona vulavisisi bya maphorisa byi ya emahlweni.
Eka rin’wana hungu, wanuna wa malembe ya 37, Jimmy Padro Mafuyekwa, a tivonakarisile emahlweni ka Majisitarata wa Khoto ya ka Malamulele hi siku r ti 30 Dzivamusoko 2025 hi swihehlo swo cela sava. U nyikiwile beyili ya ntsengo wa R1000, naswona u ta tlhelela ekhoto hi siku ra 04 Khotavuxika 2025.
Hi siku ra ti 27 Dzivamusoko 2025, maphorisa ya pfhumba ra Vala Umgodi a ma endla pfhumba ro kavanyeta migingiriko ya migodi swi nga ri enawini etindhawini ta Saselamani.
Hi nkarhi wa pfhumba, muehleketeleriwa wa xinuna wa malembe ya 37, u kumiwile emugangeni wa ka Matiyani a ri ka rhi a layicha sava endzeni ka lori ya Hino. Loko a landziwa, u tsandzekile ku humesa mpfumelelo wo endla migingiriko ya migodi laha a nga khomiwa xikan’we-kan’we, Maphorisa ma tekile lori na foxolo yin’we, naswona vulavisisi bya maphorisa byi ya emahlweni.
