Mfumo wu Seketela Kereke endzhaku ka Mafu
Mfumo wa Kwazulu-Natala, wu vula leswaku ehenhla ka nhlayo leyi a yi vikiwile ya leswaku i nkaye wa vanhu lava va hundzeke emisaveni, swiviko swo hetisela swi vula leswaku i nhungu wa vanhu lava loveke eka nghozi leyi lava va nga swirho swa Umkhumbi Wesethembiso Church in Zion, kereke leyi yi kumekaka eHluhluwe. Vanhu lava va hundzile emisaveni endzhaku ka nghozi ya movha leyi yi siyeke tiko hinkwaro ri hlamarile, naswona vo tala va vona i va ka manana.
Ku vuriwa leswaku swirho swa vanhu lava va dlaweke eka ngozi leyi, leswi swi tsemelelekeke, swi endlile leswaku va hlayela nhlayo hi xihoxo. Kasi mfumo wa xifundzhakulu lexiya, wu vula leswaku wu ta nyika vukorhokeri bya mpfuno wa swa miehleketo eka lava va Poneke eka nghozi leyi. Maphorisa ma tiyisisile leswaku muchayeri wa lori yo koka timovha u khomiwile, naswona maphorisa ya tiko ma le ke endleleni ka vulavisisi ehenhla ka nadzu wo dlaya munhu a nga tiyimiselanga.
Lori yo koka timovha na xibebe xa Hyundai H-100 swi ta tirhisiwa eka vulavisisi lebyi. Nkaye wa vanhu va tshunguriwile exibedlele va tlhela va humesiwa loko va nharhu va ha amukeriwile exibedlele. Mfumo wa xifundzhankulu xa Kwazulu Natala, wu tiyisisa leswaku wu ta endla leswaku lava va hundzeke emisaveni va heleketiwa etindlwini ta vona to hetelela hi ndlela ya xindzhuti.
