Masipala wu Pfapfarhuta Mpimanyeto

Hi Tracy Novela

Masipala wa Ba- Phalaborwa wu vile na ntirho wa ku hetisisa mpfapfarhuto wa mpimanyeto wa ti Mali na vukorhokeri wa lembe ra 2025/2026 hi siku ra 22 Mudyaxihi 2025.

Masipala wu fambisile ntirho lowu hi ndlela yo xiximeka na ku hlonipheka. Ntirho lowu wu katsile swiyenge swa ku hambana-hambana. Eka ntirho lowu a ku burisaniwa hi swiyenge swo hambana-hambana laha a ku katsiwa mpimanyeto wa swa timali. Ntirho lowu a wu kongomisiwile eka ku antswisa vukorhokeri bya tiwadi to ringana khume-nkaye (19).

Ntirho lowu a wu ngheneriwile hi swiyenge swo hambana swa masipala, laha ku katsiwaka tikomiti ta tiwadi, swirho swa vaaki, tihosi na swiyenge swo hambana-hambana ku katsa na va n’wamabindzu. Swiyenge hinkwaswo swi nyikiwile nkarhi wa ku tisa swiviko swa vona swa vukorhokeri laha vurhangeri byi nga ta famba ehenhla ka swona.

Masipala wa Ba- Phalaborwa wu ta ya emahlweni ku ya tiyisiwa swiviko swa mpimanyeto wa timali laha vurhangeri bya masipala byi nga ta amukela no tiyisisa mpimanyeto lowu.