XICHUDENI XI YIMELA TIKO

Hi Pilot Manganyi

Xichudeni xa ka Giredi 12 ku suka emugangeni wa le Peninghotsa, ehansi ka masipala wa Collins Chabane xi languteriwile ku yimela tiko ra Afrika-Dzonga eka mphikizano wa misava wo peleta marito lowu tivekaka tanihi “Spelling Bee World Cup” eShanghai, China, leswi tiyisisaka ndzima yin’wana eka rendzo ra tidyondzo ta yena.

Xilombe Xivuri, i xichudeni xa Xikolo xa le Henhla xa St. Brendan’s Catholic, na swona hi un’wana wa swichudeni eka swichudeni swa tsevu leswi hlawuriweke ku yimela tiko endzhaku ka loko xipano xa Afrika-Dzonga xi hlurile eka mphikizano wo Peleta Marito eka tikonkulu loko lembe ra ha sungula.

Mphikizano lowu wu ta khomeriwa eShanghai na swona wu ta hlanganisa vana ku suka ematikweni man’wana. Matiko lama nga ta teka xiave eka mphikizano lowu ma katsa China, Malaysia, Thailand, Pakistan, Bangladesh, United States, Canada, na man’wana mo hlaya. Leswi swi ta tisa nkateko wa ku phikizana na ku vumba vuxaka exikarhi ka tinxaka.

Xilombe u ndlandlamukile tanihi hi un’wana wa swichudeni leswi swi nga na vuswikoti byo enela eka xiyenge lexi eka swichudeni swa Afrika-Dzonga. Xilombe u na matimu ya ku hlula eka xidlodlo xa muxaka lowu lexi a xi khomeriwile eBotswana na le Zimbabwe. Swidlodlo leswi swi endlile leswaku a tiveka eAfrika-Dzonga ni le matikweni-mambe.

Ku hlawuriwa ka Xilombe eka mphikizano wa misava swi endlile leswaku vaaki va le Peninghotsa va tinyungubyisa, laha vo hlaya va vonaka ku humelela ka yena ku ri xikombiso xa ku tinyiketela, ku tibyela na ku va dyondzo yi nga pfulaka nkateko wa mitirho ya le matikweni-mambe.

Meyara wa masipala wa Collins Chabane, u hoyozerile Xilombe eka rendzo ra yena. “Tanihi masipala lowu vonaka dyondzo ku ri tlharhi ra ku lwisana na vusiwana, hi ta va hi ri karhi hi va seketela na xipano xa Afrika-Dzonga eChina. Ha swi tiva leswaku Va ta endla leswaku hi tinyungubyisa hi vona”, ku boxa Maluleke.

Tanihiloko swichudeni swa Afrika-Dzonga swi tiyimisela ku nghenelela eka mphikizano wa misava, Xilombe na ntlawa wakwe va ta yimela ku tshembha ka rixaka tanihiloko va phikizana na vana van’wana lava nga na vuswikoti. Mphikizano lowu wu languteriwile ku va wu nga kombisi vuswikoti bya ririmi ntsena, kambe ku ndlandlamuka ka vuswikoti bya Afrika-Dzonga eka mphikizano wa swa