Vafuwi va Teka Vulawuri Byo Tifambisela Dibi Ra Tihomu.

Swi tolovelekile emigangeni leswaku swifuwo swo fana na tihomu swi ya edibini ku ya lwisana na
swigalani na vuvabyi eka swin’wana kan’we hi n’hweti. Leswi swi tolovelekile ku endliwa hi vamadibani
lava ku nga vatirhela mfumo kusuka eka ndzawulo ya vurimi eka xiyenge xa swifuwo.

Kambe emugangeni wa le Valdezia, ntolovelo lowu wu tikomba wu ri matimu tanihileswi vafuwi va
tekeke goza ro teka vutihlamuleri byo fambisa dibi ra ka vona hikokwalaho ka kuva ri nga ri ku
tekeriweni enhlokweni. Hambiswiritano, ku fambisa dibi leri swi tikomba swi ta lava mali, naswona
vafuwi va ta boheka ku tisecha loko va lava kuva xiphemu xo yisa swufuwo swa vona edibini leri.

Vafuwi va twananile leswaku mufuwi un’wana na un’wana loyi a nga na kutsakela leswaku swifuwo swa
yena swi ya tirhisa dibi leri, u fanele ku humesa mali yaku ringana R600, leswaku ku ta lunghisiwa dibi
leri endzhaku ka ku tshama malembe yo hlaya ri nga ri ku tirheni. Hambiswiritano na wona mfumo wu
nghenelerile hi ku va seketela, hi swin’wana swa switirhisiwa swa ku fana ni timhadzi hambi kuri
tinsimbhi ta ku endla dibi.

Khamphani ya Maclands Estate na yona yi pfunetile hi swin’wana swa switirhisiwa swa ku fana na nsava,
tisemendhe, na hi lori ya ku tleketla timhandzi, na tinsimbi ku suka exitolo xa swifuwo eSibasa. Kasi hi
hala tlhelo, vafuwi va komberile un’wana wa vaaki loyi a nga na vuswikoti bya vumaki Ntsako Mashawu,
leswaku a va pfuna ku lunghisa dibi leri. Kasi na vona vafuwi a va ri xiphemu xo lunghisa dibi leri hi ku
tinyiketela.

Kasi eka rin’wa hungu leri fambelanaka na timhaka ta vurimi, ku vuriwa leswaku van’wamapurasi lava
nga na kutsakela ku tinghenisa eka swavurimi bya viriviri, a va rhambiwile kuya hlanga e purasini ra “
MMF FARMING, N28, NI LOUIS TRICHARDT, LIMPOPO’’. Eka hlengeletano leyi van’wapurasi a va
hlanganileni ni va nkulukumba va “ AGT FOODS ACCRETORS AND DIRECTORS” laha a ku vulavuriwa hi ku
titsarisela ka tikontiraka ta ku byala maviriviri, naku kuma tindlela ta ku xavisa maviriviri.

Nkulukumba wa purasi ra MMF yena tatana M Mathoho a ku ri yena xivulavuri nkulu, eka nhlangano
lowu. Tatana Mathoho u vavulavurile ni van’wa purasi a kombisa hilaha va lavaka ha kona ku pfuna
van’wa purasi lava, hi ku va xaviselea timbewu ta maviriviri lawa, na kuva omisela wona epurasi ra vona.
Va kombisile leswaku va vuya etikweni ra China kuya xava michini ya ku omisa maviriviri.