Maphorisa ma Kombela Mpfuno wa Munhu la Nyamalaleke

Hi Themba Chauke

Maphorisa ma le Hlanganani ma kombela vaaki ku pfuna ku kuma munhu loyi a nyamalaleke, Masana Tshabalala,  wanuna wa malembe ya 29, loyi a voniweke ro hetelela hi siku ra ti 06 Mudyaxihi 2025 hi kwalomu ka awara ya Nkombo nimixo loko a suka ekaya, emugangeni wa ka Manghove, eTiyani.

Ku ya hi vandyangu, Masana u tivisile manana wakwe leswaku u ya eAtteridgeville, exifundzhenikulu xa Gauteng, kambe swiviko swi kombisa leswaku a nga fikanga lomu a ya kona.

U vuriwa kuva a ri wanuna wo leha wa nhlonghe yo vonikela. Loko a ta nyamalala, a ambarile mateki ya ntima, xikipa xa ntima na buruku ya ntima.

Maphorisa ma kombela un’wana na un’wana loyi a nga na vuxokoxoko lebyi byi nga ta pfuna ku kuma Masana ku tihlanganisa na: maphorisa ya le kusuhi; kumbe mulavisisi wa nandzu lowu Kaputeni Marivate eka 082 468 8673; Maphorisa ya Hlanganani eka 072 554 3141; Nomboro yo lwisana na vugevenga 08600 10111; kumbe MySAPS app.