Wanuna a Dlaya Makwavo

Hi Themba Chauke

Wanuna wa malembe ya 49, Maishla Mojapelo, a tivonakarisile emahlweni ka Majisitarata wa Khoto ya Namakgale, hi siku ra 11, Khotavuxika 2025, hi nandzu wo dlaya makwavo wakwe wa xinuna wa malembe ya 53. Mhangu leyi, yi humelerile ekaya ra vona eNamakgale Zone A, hi nkarhi wa madyambu ya ti 10 Khotavuxika 2025. Wanuna loyi u ta tshama ekhotsweni ku fika 18 Khotavuxika 2025, loko a ha yimerile vuyimeri bya xinawu.

Swiviko swi kombisa leswaku, mhangu leyi yi humelerile endzhaku ka ku hambana hi marito eka vamakwavo lava. Maphorisa ya tivisiwile hi vatirhi va le xibedlele hi kwalomu ka awara ya ntsevu ni madyambu, endzhaku ka loko mutwisiwakuvava a amukeriwile exibedlele na timbanga to tlhaveteriwa laha a hundzeke emisaveni loko a fika exibedlele.

Vulavisisi bya maphorisa byi kombisa leswaku wanuna loyi u tlhaviwile endzhaku ka nkarhinyana a ha ku vuya ekaya. Ku vuriwa leswaku vaaki va nghenelerile laha va nga khoma muehleketeleriwa maphorisa ya nga se fika endhawini liya. Nchumu lowu ku tshembhiwaka leswaku hi wona lowu tirhisiweke ku tlhava wanuna wu kumiwile
wu tlhela wu tekiwa hi maphorisa. Muhehleketelriwa u hehliwile hi nandzu wo dlaya, naswona xivangelo xa mhangu leyi xi le ku lavisisiweni.