MAKHAFOLA NGHENELA MPHIKIZANO WA GOLUFU

Hi Mapula Glashy Makoto

Mutlangi wa golufu wo huma ePolokwane u ta ya yimela xifundzakulu xa Limpopo eka mphikizano wa rixaka wa golufu n’hweti leyi. Sakia Makhafola u hlurile eka tifayinali ta mphikizano wa Golufu wa nghwazi ta tinghwazi eLimpopo lowu tivekaka tanihi Limpopo Golf Union Champion of Champions Regional Finals 2026 eka xiyenge xa ​​Caddy. Makhafola, loyi a tirheke eka xipano xa Golufu xa Polokwane kusukela hi 1986, u ringanerile eka ntlangu lowu a wu khomeriwe erivaleni ra ntlangu wa Golufu eThabazimbi hi ti 22 ta Mhawuri 2026.

U hoxe 77 nett na 85 wa gross ku hlula eka xiyenge xa ​​yena. U huma eSeshego Zone 1, Makhafola u vula leswaku u dyondze golufu hi ku hlalela vatlangi va ntokoto na ku titoloveta na vatlangi van’wana hi mahelo ya vhiki.

U sungurile ku tlanga ximfumo kwalomu ka mune wa malembe lama hundzeke. U ta ya eka mphikizano wa golufu wa tifayinali ta tiko ra Afrika-Dzonga wa nghwazi ya tinghwazi kusukela hi ti 20 ku fika ti 23 ta Ndzhati 2026. Mphikizano lowu wu ta khomeriwa erivaleni ra ntlangu wa Golufu ra Val de Grace Golf Estate exifundzenikulu xa Free State.

Makhafola u kombela ku pfuniwa hi titangu to tlanga golufu ta mpimo wa tsevu na bolo ya golufu ku hetisa switirhisiwa hinkwaswo swa yena kuya eka tifayinali. Vanhu lava lavaka ku n’wi seketela va nga bela rinqingo eka 068 305 8191.