Yunivhesithi ya Wits yi kuma murhi wuntshwa wa mfukuzani ya vele

Spread the love

Yunivhesithi ya Witwatersrand eka xiyenge ya vulavisisi bya ku endla murhi wo tshungula mfukuzani ya vele leyi tivekaka hiku karhiha swinene eka vavasati, yina ku tshemba leswaku murhi lowu yi nga wu tumbuluxa sweswi wuna matimba tlhelo wu nga kota ku lwisana na mfukuzani ya vele leyi khomaka vanhu va xisati hi xitalo.

Murhangeri wa kambisiso lowu Profesa Mandeeo Kaur, u vule leswaku vulavisisi byi komba leswaku murhi lowu nga endliwa wu nga tshungula mfukuzani ya vele hi tindlela timbirhi, leti katsaka ku cheriwa murhi emirhini lowu tivekaka hi Chemotherapeutic  na hi tlhelo ra Standalone, leswi swi komba matimba ya murhi eka mfukuzani ya muxaka lowu. “Hi ti yimiserile ku kambela murhi lowu eka tiko-nkulu ra Afrika, leswaku xiphiqo xa vuvabyi lebyi hluphaka va manana byi ta hunguteka. Ku navela ka hina i ku tisa ntshembo na vutomi eka vanhu va xisati laha misaveni,” ku vula Kaur.

Mfukuzani leyi tivekaka hi The Tripple Negative Breast Cancer (TNBC), yi tala ku khoma vanhu va xisati vavantima va le hansi ka malembe ya 50 ku tlula tinxaka tin’wana ta rimbewu leri fanaka. Hambiswiritano, murhi lowu wu kamberiwile no tlhela wu komba leswaku wu kota ku hunguta xilondzo xa mfukuzani leyi nga eka xiyenge xale xikarhi hi ntsengo wa 70%. Nkambisisio wu tlhele wu komba leswaku murhi lowu wu ta tlhela wu swikota ku dlaya no horisa mfukuzani ya vele hi 100% loko yiri eka xiyenge xale ku sunguleni.

“Yunivhesithi yi tiyimiserile ku teka murhi eka xiyenge xo hetelela laha ku nga ta endliwa nkambisiso hi vanhu lava nga khoma hi mfukuzani ya vele. ‘Sweswi hi tirha hi matimba leswaku hi ta kota kuma mali yo pfuneta ku endla nkambisiso lowu eka vanhu lava nga ta tinyikela,” ku vula Yunivhesithi.

Yunivhesithi yi tlhele yi hlamusela leswaku yi kunguhatile ku endla nkambisiso wa murhi lowu eka vanhu va 50 eka xiyenge xa vumbirhi xa kambisiso, kasi eka xiyenge xa vunharhu Yunivhesithi yi ta lava 150 wa vanhu va xisati. “Nkambisiso wa murhi wa ku tshungula mfukuzani ya vele wu ta endliwa eka swibedlhele swo hambana-hambana laha tikweni. Naswona nkarhi wa ku gimeta nkambisiso lowu wu taya hiku vanhu va tinyikela eka pfhumbha leri kumbe njhani,” ku engeta Kaur.

Yunivhesithi yi gimetile hiku vula leswaku xirhalanganyi lexi nga kona eka ku yisa pfumbha leri emahlweni eka nkarhi wa sweswi, i ku pfumaleka ka mali, kambe loko mali ya nseketelo yi kumeka nkambisiso wu ta sungula laha Afrika-Dzonga.


Spread the love

Leave a Reply

Your email address will not be published. Required fields are marked *