Muntshwa a hundzuka nhloko ya muti

Mbuyelo mathebula wa makumembiri mune wa malembe emugangeni wa Dzingidzingi handle ka doroba ra Giyani exifundzeninkulu xa Limpopo u vula leswaku mavoko ya yena hi wona ya endlaku leswaku a kumeka a kota ku hanya yena na dyangu wa yena.

Mbuyelo u hlamusela dyangu wa yena tanihi muti lowu nga swela swinene na swona va kota ku hanya hi mali leyi a xavisaku swi makiwa swa yena.

Endzhaku ka loko a tele hi miehleketo yo sungula bindzu ra yena hi lembe ra 2017 Mbuyelo uhlanganile na ntshikelelo hi tlhelo ra swatimali laha anga tsandzeka ku fikelela milorho ya yena. Bindzu ra Mbuyelo ri sungurile hi lembe ra 2019 laha eka nkari wa sweswi a endlaka ni tintangu. Bindzu ra mbuyelo ri katsa ku kandziyisa swiambelo, swifaniso swa vutshila,  ku endla swiambalo, tintangu, vutshila bya makhumbi ya miako.

Mbuyelo a hi munhu loyi a nga dyondzela ntirho lowu kambe u vonile xiyimo xa yena na ndyangu wa yena laha a nga vona swi fanerile ku pfula bindzu a tirhisa mavoko ya yena a sukela ku tshama hi wona. Ku tsakela na ku rhandza ka mbuyelo i ku vona bindzu ra yena ri ndlandlamuka ku fana ni mabindzu man’wana.

Nyiko ya mbuyelo yi sungule eka mhaka yo vutshila dirowa laha anga sungula hi swona ku fika laha a nga lemuka leswaku hi nyiko leyi anga hanya. Endzhaku ka nkari a sungula ku endla swiambalo a xavisela vanhu ku fika loko a sungula ku endla tintangu ta Goi’nut. Ntangu ya Goi’nut yi xavisa R700 laha munhu a humesaku mali ya R400 yo vekisa vona va endla ntangu suka hansi va xava switirhisiwa leswi lavakaka.

“Mali yo vekisa yi pfuna ngopfu tani hi leswi a ndzi hlangana ni xiyimo ndzi endla tintangu loko vanhu va fanele ku hakela va tsandzeka ku humesa mali leswi aswi endla ndzi tirhela ndzhaku” lawa i marito ya mbuyelo

Lava tsakelaka ku tihlanganisa na Mbuyelo Mathebula wa kumeka eka whatsapp/calls: 072 896 6327 na facebook page: Mbuyel Artking Mlk

 

 

Afrika-Dzonga ri salerile endzhaku eka mhaka ya Movha wa Gezi

 

Afrika-Dzonga ri vonakala ri koka milenge loko swita eka mhaka yo tirhisa movha wa gezi kumbe EV. Hinkwaswo leswi swi nga endliwa hikwalaho ka mpimo wa mali leyi munhu a faneleke ku humesa yona loko a lava ku xava xipandza mananga lexi xa muxaka lowu. Kambe leswi hinkwaswo swi nga cinca eka nkari lowo nga heteki mbilu tanihileswi holobye Ebrahim Patel wa Ndzawulo ya Vumaki, Vuxavisi na Mphikizano.

Holobye Ebrahim Patel u languteriwa ku andlala makungu mantshwa ya timhaka ta mimovha eAfrika-Dzonga lawa ya ngata sungula ku tirha hi siku ra 01 Mawuwani 2021 naswona ya ta tirha ku fikela lembe ra 2035. Swin’wana swa leswi a nga languteriwa ku swi hlamusela i ku hungutiwa nxavo wa mimovha ya gezi laha Afrika-Dzonga. Ku tlhela ku languteriwa ku engeteriwa ka tindhawu laha mimovha leyo tirha hi gezi yi nga ta chajiwa kona yi nga cheli mafurha ya petirolo kumbe dizele.

George Mienie Mufambisinkulu wa khamphani ya AutoTrader’s u vula leswaku “lawa I mahungu ya kahle swinene hambi leswi ya nga fika endzhaku ka khume ra malembe ku sukela loko Nissan va tisile movha ya vona leyi tivekaka tanihi Nissan LEAF kambe wa pfumela leswaku riendzo ra ha lehile swinene ku fikilela leswaku muaki un’wana na un’wana a tirhisa Movha wa Gezi”. Menie u na ku tshemba ka leswaku loko nxavo wa EV’s wo hunguteka vanhu va nga pfumela ku xava leswi tsandzekisaka vanhu sweswi ntsengo wa le henhla swinene.

Mienie eka nkarhi wa sweswi yena u tirhisa Jaguar I-Peace laha eka sweswi na khapani ya google va tirhisaka yona ku teka swinepe swa nkombiso wa sa mapatu eka google maps loko munhu a famba laha patwini. Jaguar I-Peace yi tirhisa nchumu lowu vitaniwaka concentric motors lowu hlamuseriwaka leswaku yi humesa 395bhp na 513Ib ft torque. I-peace yina speed gearbox yin’we yi tirhisa batiri ya lithium-ion leyi tshamaka ehansi ka movha 90kwh leyi nga kahle ku famba kwalomu ka 460,27km leswi hi swin’wana swa leswi nga eka Janguar I-peace

George Mienie uvula leswaku “xo tsakisa hi muxaka lowu wa movha hi leswaku a wu boheki ku chayela movha u ya kule ku chajisa kambe swa kotekala kwala kaya hi mphakelo wa gezi ku suka eka khaphani ya Eskom”. Mienie u tlhela a bakanyela tlhelo mhaka ya leswaku nkavanyeteko wa mphakelo wa gezi leswi tivekaku tani hi load shedding wu na xona xiandla eka mhaka yo kuma vanhu va pfumala ku tsakela eka EV’s.

U vula leswaku sweswo a hi mhaka yo hlupha ngopfu tani hi leswi  Ev’s yi nga bohekiki ku tshama yi tlhomiwe  ntambu ya ndzilo hi nkari ni nkari a heta hi ku vula leswaku yena u tlhoma movha ya yena kan’we hi siku laha a tirhisaku ehansi ka 70% eka nxavo wa mafurha ku fananisa na munhu loyi a bohekaka ku xava mafurha ya movha. Jaguar I-Peace yi lava ntsena ku chajisiwa kwalomu ka 3-4 wa tiawara leswi aswi fananisaka na mhaka yo chajisa riqingo ra le nyongeni rin’wani na rin’wani.

vanhu va nga vi na ku chava ka leswaku loko movha wu hela batiri va ri ku fambeni tani hi leswi va nga foyinelaku mpfuno wa le magondzweni ku pfuneta ku susa movha epatwini a heta hi ku vula leswaku ntsena loko munhu a ti lunghisile swa muxaka lowu swi nge pfuki swi humelerile tanihileswi munhu a nga kotaka ku vona loko a fanele ku chaja movha.

Mhaka ya gezi ra Solara emakaya na yona hi yin’wana leyi lavaka matihlo mambiri kusuka eka swirho leswi tirhaka na yona naswona i mhaka ya kahle swinene vanhu va sungula kuya rhandza swinene.

EV’s yi kahle eka mbangu tani hi leswi yi tirhisaku 80% ya matimba ya yona ku kota ku famba kasi Internl Combusition Engine (ICE) yi tirhisa kwalomu ka 20% ya yona leyi n’wani yi tlhelela exibakabakeni swi thyakisa mbangu. VE’s yi hlayisekile eka mbango hi 60% loko yi pimanisiwa ni Internal Combusition Engine.

Nkarini wa sweswi Afrik-Dzonga ku na muxaka wa mune ya EV’s Mini Cooper SE, BMWi3, Jaguar I-Peace na Porsche Taycan na tindhawu to chaja mimovha ti kona. Kambe vanhu va fanele ku twisisa leswaku swi nga teka nkarhi ku chajisa movha kwalomu ka 40 wa timinite ku chaja movha na swona a swi lavi loko munhu a jahile. Loko u tiva leswaku wena u jahile swi kahle ku teka movha leyi tirhisaka mafurha ya ntolovelo eka riendzo ra wena.