Muyivi wa tigirivani hi ku tirhisa chovo ra Mhisi a kumeka…

Spread the love

Hi Andrew Hlongwane

 

“Byala byi xalamuka hi awara ya khumembiri exikari ka vusiku kusuka kona ndzi pfuka ndzi nghena emitini ndzi sungula ku lavana na tinsimbi, mazenge ya khale kambe kwalaho a ndzi hlawuli” – mukhalabye a hlamusela vavalangi.

Loko muteki wa mahungu wa Nthavela a kuma riqingo kusuka eka vavalangi lava langutelaka muganga kumbe la va lwisanaka na vukhamba emugangeni wa Nkomanini kusuhi na Nkowankowa ehandlenyana ka doroba ra Tzaneen kwala xifundzankulu xa Limpopo hi fikile hi kuma leswaku mukhalabye loyi u handzukile na milomo nakona samboko xi ri ku tirheni.

Hambileswi hi ta kombela ku tirhisa vito ra James Nukeri hi sivela ku onha xindzuti xa yena.

Loko Nthavela yi fika Nukeri u komberile ku hlamusela masungulo ya mhaka.

“Loko dyambu rixa ndzi hundzuka xiphuva hikuva ndzi va ndzi dakwile kambe loko ripela ndzi ngena ndlwini ndzi tlela tiawara tintsongo ku fikela exikari ka vusiku kumbe hi awara ya khumembiri. Ndzi pfuka ndzi rhendzeleka na miti ndzi lavana na lexi xi nga nsimbhi kambe a sw ivuli leswaku loko ndzi kuma leswintshwa ndza xi tshika. Mavoko ya mina ya kukula xin’wana na xin’wana”, ku vula Nukeri.

Siku leri Nukeri u vile na khombo loko a kumekile a yivile girivani emutini wa ka Mhangwani kusuhi na le Phola Park a ya xavisela muti wun’wana eDan kwalomuka ntlhanu wa ti kilomitara kusuka ka Mhangwani.

Ku vuriwa leswaku girivani yi xavisiwile hi ntsengo wa dzana ra ti pondo.

Nukeri loko a yingisela ku sasamela ka nkhavi wa timpama na tisambhoko u arile ku fa ari yexe kambe u hlamuserile leswaku eku yiveni u famba na n’watigirivani nakona va tirhisa chovo ra mhisi leswaku vanhu va tlela onge xikwembu xi va tekile hambi kuri na mbyana yi nge pfuki yi vukurile.

N’watigirivani na yena u landziwile laha na yena anga kuma tisambhoko to hlayanyana a nga se heleketiwa emaphoriseni ya Ritavi.

N’watigirivani u ringhetile ku hlamusela vavalangi leswaku yena a nga yivi swa munhu kambe u pfuna vanhu ku va lunghisela tigirivani kambe bulo ra yena ri vile garingani wa garingani.

Nukeri na n’watigirivani va khomiwile va yisiwa exitokisini hi mhaka ya vukhamba.

Mhangwani u chavisiwile swinene hi ndlela leyi Nukeri a nga nghenisa xiswoho emutini wa yena ku ri na ti mbyana to luma swinene.

Derrick Shingange va Nkomanini Community Patrol ehansi ka Ndhuna Gwavaja u hlamuserile leswaku va tiyimiserile swinene ku tirha vusiku na nanhlikani ku lwisana na vukhamba.

“N’wina vo yiva mazenge, tinsimbi na swin’wana na swin’wana emitini mi ya xikalweni swi tiveni leswaku hi vekile vanhu wo mi langutela kambe loko hi mikuma a swi nge tsakisi”, ku vule Shingange.

 


Spread the love

Leave a Reply

Your email address will not be published. Required fields are marked *