Xipano xa le Nkambako xi tirha hi ku tiyimisela

Spread the love

Rivala ra mintlangu ra Meadowbank Fc ri amukela vuendzi bya swipano kusuka eka miganga yo hambana-hambana hi xikongomelo xo tlangela phikizano wa swipano swa 16 na ntsengo wa R12 000.

Tinghwazi ta phikizano i xipani xa Nkambako Maweni Fc lexi nga hlula xipano xa Ngove Fc ku suka edorobeni ra  Giyani. Phikizano a wu khomeriwile emugangeni wa Mavele ehandle ka dorobara Tzaneen kona xifundzeninkulu xa Limpopo. Swipano swa Ngove FC na Nkambako Maweni FC nkuku a wu byabya eka ntlangu lowu. Swipano swi tsandzekile ku howiselana eka ntlangu lowu ku kondza wu fika emakumu.

Nkambako Maweni Fc yi hlule Ngove Fc hi 4-3 eka penati kasi na yena n’watipala wa Nkambako Maweni a fikile hi nthiro eka phikizano swi vonakala leswaku laha ku lweriwa mali laha anga famba na ntsengo wa R250 tanahi mutlangi wa phikizano yena Ronny Mathebula.

Hi vona Ronny Mathebula a tlula bya chela ku sivela xipano xa Ngove ku howisa kasi na xona xipano xa Ngove Fc a xi fike hi ntirho laha Ronny a nga ala a ku hayi lahai mitolovele le ka Ngove mi humaka kona.

Nkambako Maweni Fc yi hlule Nkambeko Maluvani Fc eka riendzo ra yona ro fikelela ntlangu wa hetelela. Xipano xa Ngove xi hlule xa Black poison hi ndlela ya tihanyi swinene laha xi nga mbeyetela no tlhela xi rahela kule. Mutlangi wa xipano xa Ngove Fc Vicent a kuma mali ya ntsengo wa R250 tanihi mutlangi loyi nga howisa tibolo to tala eka phikizano lowu.

Xipano lexi nga khoma xiyimo xa vumbhiri xi kuma sagwadi ra R8 000, 00 yo sula nyuku kasi xipano xa xiyimo xa vunharhu xona xi nyikiwe ntsengo wa R5 000, 00. Makume ntsevu wa swipani a swi nghenerile phikizano lowu hi ntsengo wa R1 200, 00.

Phikizano a wu fambisiwa hi Rova loyi tlhelo anga mutlangi wa xipano xa Meadowbanks Fc. Rova a tsakile swinene loko phikizano wu fambile kahle a tsakisiwa hi matikhomelo ya vanhu tanihileswi tiko ri lwisanaku ni xitsongwatsongwana xa covid-19. Rova u tshikelerile eka nkoka wa leswaku hambi phikizano wu ri kona hi ndlela leyi swi kahle leswaku vanhu va yisa emahlweni va landzelerisa swi leriso swa mfumo leswi lwisanaka ni ntungu wa Corona.

 


Spread the love

Leave a Reply

Your email address will not be published. Required fields are marked *