Vuhangalasi bya mahungu byi rila ku hundza emisaveni ka Wandile ‘WARA’ Fana

Spread the love

Papa ra ntima ri werile vuhanglasi bya mahungu bya vaaki xikan’we bya minkandziyiso-xikan’we na vuhangalasi bya mahungu bya vaaki hi ku angarhela. Leswi swi ta endzhaku ka ku tivisiwa ka hundza emisaveni ka mutshamaxitulu wa Association of Independent Publishers (AIP), Nkul Wandile Fana hi siku ra 11 Khothavuxika 2021 hikokwalaho ka xitsongotsongwana xa Corona.

 

Wara, tanihileswi a tiveka ha kona, i mutumbuluxi tlhelo muhleri wa phephahungu ra vaaki ra Skawara leri a ri kumeka eComfivaba exifundzheninkulu xa Eastern Cape. Hi hala tlehlo a ku ri mufambisi eka timhaka ta vuhleri eka Takasela (Leapfrog), vukandziyisi bya mahungu bya online laha ku humelerisiwaka mahungu ya vaaki na man’wana maphephahungu ya vaaki etikweni hinkwaro.

 

Ku tinyiketela ka yena eka vuhangalasi bya mahungu lebyi kandziyisiweke byi endlile leswaku a hlawuriwa ku va eka huvo ya vufambisi bya AIP, hi ku yimela xifundzhankulu xa Eastern Cape. Leswi swi endlile leswaku a ya hlawuriwa tanihi mutshamaxitulu wa Huvo hi lembe ra 2020, ntirho lowu a wu amukeleke hi mandla mambirhi na hi ku tinyikelela.

 

Mahungu yo chavelela lawa ya humesiweke endzhaku ka ku hundza emisaveni ka Wara, swi nyika vumbhoni bya leswaku Wara a ri munhu tlhelo murhangeri wa njhani.

 

Nkul Lumko Mtimde, mutsundzuxi wo hlawuleka eka Holobye ehofisini ya puresidende tlhelo khale ka mufambisinkulu wa MDDA, u tsundzukile Wara tanihi munhu loyi a ‘khoma nyarhi hi timondzo,’ loyi a humesela matitwelo ya yena na ku endla vulavisisi ehandle kua ku chava.

 

“A ri na vutlhari bay xiyimo xa le henhla na ku navela ku twisisa naswona a twa ingaku ku na ku voyamela etlhelo eka timhaka ta vuhangalasi bya mahungu, na leswaku vuhangalasi bya mahungu bya minkandziyiso byi siyiwile ehandle. Loko ndza ha ri eka MDDA, Wara u ndzi ntlhotlhile leswaku ku teka vufambisi hi ndlela leyi hlawulekeke xikan’we na ku lawula bindzu ro kandziyisa maphephahungu swi nga koteka eka vakandziyisi va mahungu lava tiyimeleke.”

 

Mahmoos Sanglay, mukandziyisi tlhelo mufambisinkulu wa phephahungu ra Muslim Views khale ka mutshamaxitulu eka AIP, u tsundzuka Wara tanihi munhu loyi a njhekanjhekisana hi ndlela leyi twakalaka na ku tlhela a tirhisa xikongomelo xa yena tanihi mukandziyisi wa phephahungu ra vaaki hi ku tiyimisela.

 

“Loko a teka xitulu tanihi mutshamaxitulu wa AIP, u komberile switsundzuxo swa mina, hi ku titsongahata eka ntirho wakwe lowuntshwa tanihi hi mutshamaxitulu wa Huvo, eka xitulu lexi a ndzi ri eka xona hi ku yimela xiyenge xa hina”

 

“Vukandziyisi bya mahungu bya vaaki i xiyenge lexi nga le ka xiyimo xo vava naswona byi lava vanhu lava tinyiketeleke eka mintlhontlho leyi. Vanhu vo fana na Wara va vonile nkoka wo swi lwela-nkoka wo ndlandlamuxa marito ya vaaki na ku kandziyisa mahanyelo ya vona eka vuhangalasi bya mahungu.

 

“I nkoka wa makungu lawa leswi faneleke ku va xiphemu xa xivono xa ku tiyisela ka xiyenge lexi. Ku lahlekeriwa hi Wara swi fanerile ku va xikombiso eka hina ku tilangutisisa leswaku hi veka nkoka wa hina erivaleni, na ku amukela mintlhontlho ya ku cinca ka kahle ku ya eka ku tirhisa vukandziyisi bya maphepha,na byin’wana vuhangalasi bya mahungu.,

 


Spread the love

Leave a Reply

Your email address will not be published. Required fields are marked *