Ku cinca lembe ntsena kambe N’wamitwa Cluster Top 8 a yi cincangi

Hi Ngakane Malatji

Yi ya emahlweni mitlangu ya bolo ya milenge erivaleni ra mitlangu ra Abino Fc kona emugangeni wa xihoko ehandlenyana ka N’wamitwa hi vurhangeli bya nkulumbha Abel Bvuma.
Eka rhengu ro hetisela ra N’wamitwa Cluster Top 8 ku hlanganile xipano xa Runnymede United Fc na xipano xa Jasi Fc hi xikongomelonkulu xa siku leswaku hi vona tinhena ta mphikizano lowu tanihileswi a wu khomiwile erivaleni ra Abino Fc. Dyambu na rona i ntirho wa rona ku hisa a na vhele hi nge languteli leswaku ku titimela erivaleni ra mitlangu loko dyambu ri humile hi matimba no tlhela ku kumeka ku hlangane swipano leswi nkulukumba eka N’wamitwa Cluster Top 8.
Swipano hi swimbiri ka swona swi tsandzekile ku howisa eka tlangu lowo a wu hisa hi vumbiri ka swona swipano swi hlaserile kambe swi pfumala nkateko wo howisa bolo laha n’watipempe a nga fikisa tlangu emakumu. Swipano swi ringetile kambe ku pfumaleka nhlanga leyi balekaka ngati eka siku leri laha tlangu wu nga helela eminkumeni xipano xa Runnymede Untited xi hlula 5-4 hi tipenati.
Hambi leswi Runnymede United Fc yi nga hlula eka thomente leyi kambe xipano xa mafikizolo Xihoko City xi nghenile eka phikizano lowu xi endla masingita swinene laha na yona Jasi yi nga khoma swi tika hi tlangu wa hlasela na mina ndzi hlasela Xihoko City yi ala ku hluvulela Jasi Fc xidloko, Xihoko City i xipano lexi nga khoma vatlangi va malembe yale hansi no tlhela ku pfumaleka ntokoto loko ku fananisiwa ni swipano leswi n’wana kambe vafana lava va tsutsumise vavanuna leswaku ni khokho yi kala yi chucheka nengeni.
Mitlangu ya N’wamitwa cluster top 8 kumbe N’wamitwa jikelele tanihileswi loko nghwazi yi hlula eka vhiki lero yi kumekaka kuva yona yi fambaka na mali tlhelo xidlodlo xa N’wamitwa Cluster Top 8. Thonomente yi kota ntsena ku amukela swipano swa N’wamitwa ntsena tanihileswi ku langutisiwa mhaka ya leswaku loko xipano xo huma eka muganga wale kule ko tshika ku endlekala leswaku kuva xona xi hlulaka eka phikizano wa thonomente swita vula leswaku swipano swia fanele ku kumeka kuva swona swi vhakelaka xipano lexi.
Hi nkari na nkari yi kona thonomente leyi endliwaka ku amukela swipano swo huma kule ku ta katsa ni swipano swa doroba ra Giyani kasi na xifundzankulu xa mpumalanga xa kota ku nghenela thonomente ya muxako lowu. Vufambisi bya N’wamitwa cluster top 8 eka nkari wa sweswi byi bizi ku lulamisela mhaka ya rivala leri nga lulama leswaku kuva rona ri amukelaka Top 16 hi masiku yo wisa ya paseka, top 16 yi amukela xipano xin’wana na xin’wana lexi nga na ku tsakela eka ku nghenela thonomente.
Nwamitwa cluster top 8 yi yisa emahlweni mitlangu ya bolo ya milenge eka lembe rinthswa kambe ku fika nkarhi wa sweswi kuhava xipano na xin’we lexi nga kota ku sirhelela xidlodlo ka nharhu loko hi langute matimu ya thonomente.