NEHAWU Strike: President Ramaphosa A Lemukisa Vanhu Hi Swita ndzhaku
NATIONAL – National, Education, Health and Allied workers Union (NEHAWU) wu tivise leswaku wu ya emahlweni na xitereka xa wona xa vukorhokeri bya mfumo, hambi leswi ku nga na xitsundzuxo ku suka eka President Cyril Ramaphosa leswaku nawu wa ku ‘loko unga tirhi, ku hava muholo’ wu ta tirhisiwa eka lava khumbekaka.
Nhlangano wu lava ku engeteriwa ka miholo hi 10% na swipfuno swin’wana eka swirho swa wona, kambe mfumo wu nyikile ntsena ku engeteriwa ka miholo hi 3%.
Lexi xi ta va xitereka lexikulu xo sungula ku sukela loko President Cyril Ramaphosa a sungula ku tirha hi Nyenyanyani hi 2018 naswona NEHAWU yi vule leswaku a yi nge tlheleli endzhaku ku kondza swilaveko swa yona swi fikeleriwa.
Xitereka lexi xi nga va na nxungeto lowukulu eka vaakatiko va Afrika-Dzonga, tanihileswi vukorhokeri bya nkoka byo fana na nhlayiso wa rihanyo byi nga ta khumbeka loko vatirhi va nga tikombi va tirha.
Mfumo wu tsundzuxile leswaku nnawu wa ‘No Work No Pay’ wu ta tirha eka lava va nga tikombiki entirhweni, kambe swi ta vonaka loko leswi swi ta ringanela ku sivela NEHAWU na swirho swa yona ku ya emahlweni na xitereka.
Ku fikela sweswi, kwalomu ka Nkombo wa vanhu va khomiwile no hehliwa hi madzolonga tani hi leswi xitereka xa Nehawu etikweni hinkwaro xi yaka emahlweni.
Muvulavuleri wa maphorisa Brigadier Athlenda Mathe u vula leswaku munhu un’we u khomiwile eGaleshewe eKapa N’walungu mayelana no lahlela manyoro enyangweni wa tihofisi ta timhaka ta le makaya. Ku tsarisiwile nandzu wa ku onha nhundzu hi ndlela yo biha.
Kasi exifundzheninkulu xa Free State, vanhu vanharhu va khomiwile exibedlhele xa Pelonomi hikwalaho ko pfalela nyangwa lowukulu wa xibedlhele, naswona Hinkwavo ka vona vanharhu va hehliwile hi madzolonga.
Mathe u vula leswaku vavasati vanharhu va khomiwile hikwalaho ka madzolonga eNorth West endzhaku ka loko va kumiwile va ri karhi va hisa mathayere
Mathe u vule leswaku maphorisa ya duvule ti stun grenades na swibalesa swa rhaba ku hangalasa vakombisa ku vilela exibedlhele xa Chris Hani Baragwanath Academic Hospital hi Ravumune nimixo endzhaku ka loko va pfale nyangwa lowukulu na magondzo lama yaka exibedlhele.
“Ku vonaka ka maphorisa ku tiyisisa leswaku vaaki va fikelela vukorhokeri bya nhlayiso wa rihanyo hi ku vona xitereka xa Nehawu. Yuniti ya Maphorisa ya Public Order yi le ku vekeni tihlo naswona ku na ku vonakala lokukulu eka tindhawu hinkwato leti khumbekaka,” ku vula Mathe.
