Album Leyintshwa Ya Cool B Nyimpi Yi Humile Sweswi
N’WAMITWA – Album leyintshwa ya xiyimbeleri Cool B leyi a yi languteriwile swinene, Nyimpi, eku heteleleni yi humile!, Album leyi ku hlanganisiwile mpfumawulo yo tsakisa ya Cool B na swiaki leswintshwa leswi kokaka rinoko ta tinxaka to hambana.
Eka album leyi, Cool B u tiyisile leswaku u ta tisa swin’wana leswintshwa no tsakisa eka vuyimbeleri bya yena.
Album leyi ya Cool B “Nyimpi,” ya kumeka eka ti digital streaming platforms, kambe munhu anga kota ku yi xava hi nxavo wa le hansi kusuka ka xiyimbeleri.
“Lava va lavaka ku yi xava, hi ku tirhisa WhatsApp, Transfer R110 ntsena, ni ta avelana na n’wina,” ku vula COOL B.
Album leyi ku hlanganisiwile mimpfumawulo ya laha kaya naswona yi na vayimbeleri vo tala, ku katsa na Mthimbani, Refiller boy, Mkheso, Daniel Brothers, Sticks, na Vayimbeleri van’wana.
Tilunghiselele ku hlamarisiwa hi ti swichaya-chayani swo basa, marito mo yiva miehleketo, na marito yo khoma lawa ya endlaka leswaku “Nyimpi” yi va Album leyi unga fanela ku yi engetela eka nhlengeleto wa wena wa vuyimbeleri.
