28 Mimovha ya EMS yi vekiwile ku Yisiwa eka Senthara ya Rihanyo ya Ratshatsha eMasipala wa Blouberg
Namuntlha ri fungha siku ra nkoka eka matshalatshala yo lwisana na ku ponisa vutomi exifundzhankulu xa Limpopo
Ndzawulo yi xavile 66 wa mimovha ya Vukorhokeri bya swa Vutshunguri bya Xihatla [Emergency Medical Services](EMS), naswona namuntlha 28 wa yona yi ta nyiketiwa eka Senthara ya Rihanyo ya Ratshatsha eka Masipala wa Blouberg.
Ndzawulo yi kunguhata ku nyikela mimovha yin’wana ya 18 vhiki leri taka, ku landzela 20 eka vhiki ro hetelela ra Nyenyankulu.
MEC wa swa rihanyo eLimpopo Dokodela Phophi Ramathuba u kombisile leswaku Mimovha leyi yi ta tirhisiwa ku pfuna lava pfumalaka exifundzheninkulu xa hina hinkwaxo, naswona yi ta tirha ku nyika vukorhokeri bya swa vutshunguri lebyi lavekaka swinene eka lava va nga na xilaveko lexikulu.
“Ratshatsha health center ku fana na tindzhawu tinwani ta le xifundzeni xa hina, loko swita eka switirhisiwa swo tala swa rihanyo ya tikeriwa naswona yi le makaya le,”Ku vula MEC Ramathuba.
“Ku pfumaleka ka tiambulense i ntlhontlho lowukulu Eka hina, ka timhaka ta rihanyo ta le makaya ngopfu, hikokwalaho nchumu wa nkoka swinene eka lembe leri, i ku tiyisisa leswaku switirhisiwa swa hina hinkwaswo swa le makaya swi na tiambulense leti ringaneleke,” ku engeta MEC.
“ Vanhu va le Limpopo va langutele swo tala tani hi leswi hi sungulaka lembe ra timali lerintshwa. Xikombelo xa hina hi leswaku leti i ti ambulense ta n’wina, mi ti hlayisa,” ku engetela MEC.
MEC u ye emahlweni a ku, Ku nga khathariseki leswaku u hlundzukile ku fikela kwihi hi timhaka ta mphakelo wa vukorhokeri, mi nga khumbi ti-ambulensi ta n’wina.
“Leswi a hi mimovha leyi tolovelekeke i switirhisiwa swa bindzu ra hina leswi nga ta ponisa vutomi bya n’wina loko mihlangana na ku tikeriwa,” ku vula MEC Ramathuba.
