Breaking News: Vabohiwa va tsevu va balekile ekhotsweni eMakhado, Limpopo
MAKHADO -Vabohiwa va tsevu va balekile ekhotsweni eMakhado, Limpopo. Maphorisa ya sungurile ku hlota vanhu lava balekeke, lava tekiwaka va ri na khombo naswona va laviwa hikwalaho ko ringeta ku dlaya, ku phanga na ku yiva swibamu.
Vabohiwa va balekile endzhaku ka loko ntlawa wa vaehleketeleriwa lava hlomeke swinene wu hlasele no duvula movha wa maphorisa lowu a wu fambisa ntlawa wa vavanuna.
“Vanhu Vantlhanu vo sungula va khomiwile hi nandzu wo phanga hi ndlela yo biha, milandzu yinharhu yo ringeta ku dlaya, na ku va na swibamu na swibalesa swi nga ri enawini,” ku vula muvulavuleri wa maphorisa Motlafela Mojapelo.
“Loyi wo hetelela u khomiwile hikwalaho ko yiva tintambhu,” ku engeta Mojalelo.
Vaehleketeleriwa lava lavekaka i Forward Shumba wa malembe ya makume mbirhi nhungu, Shingirai Nyandome wa malembe ya makume nharhu mbirhi, Brilliant Sibanda wa malembe ya makume mbirhi nhungu, Erick Sithole wa malembe ya makume nharhu ntlhanu, Moses Zambara wa malembe ya makume nharhu mbirhi na Alex Nkomo wa malembe ya makume nharhu ntlhanu.
Maphorisa ya hlohlotela vaaki ku va va xalamukile naswona va nga tshineli eka lava balekeke.
