Bongani Baloyi, Mutshamaxitulu wa Action SA Gauteng U Tshike Ntirho
Action SA yi tiyisisile namuntlha leswaku mutshama xitulu wa vona eGauteng, Bongani Baloyi, u tshike ntirho eka xikhundlha xa yena.
Ku vikiwile leswaku Baloyi u tshikile ntirho hikokwalaho ka “ku hambana loku nga pfumelelaniki” na musunguri na murhangeri wa vandla leri, Herman Mashaba.
Mahungu lawa ya ta endzhaku ka mavhiki yo tala ya ku vulavula na ku kanetana mayelana na nkarhi wa Baloyi na vandla.
Kuya hi xitatimende xa Action SA, vandla ri vula leswaku U arile xikombelo xa Mashaba xa leswaku a thoriwa tani hi muvulavuleri wa tiko eka vandla leri.
“Hambi leswi swi nga erivaleni leswaku ku hambana loku nga pfumelelaniki ku kona exikarhi ka Baloyi na vurhangeri bya rixaka bya ActionSA, timhaka leti ti fambelana na ku hambana loku humaka eka mafambiselo ya xifundzhankulu. Swiviko swo hambana swa vuhangalasi bya mahungu eka mahelo ya vhiki swi xiyiwile hi ku hundzisela swihoxo swo hlaya.”
“Vumbiwa bya nkarhinyana bya ActionSA byi teka xiboho xo thola vatshamaxitulu va swifundzankulu, ku kondza ku khomiwa khomferense yo hlawula vurhangeri.”
Baloyi u vile xirho xa vandla ra Action SA, hi Ndzhati 2022 endzhaku ko tshika ntirho tani hi xirho xa DA.
