Wansati U pfaleriwile ekhotsweni vutomi hinkwabyo hi ku dlaya nuna
MPUMALANGA – Wansati wa makume mune nkombo wa malembe (47) hi vukhale, Phumaphi Gloria Gwebu, u gweviwe ku tshama ekhotsweni vutomi hinkwabyo hi khoto ya le henhla ya Mpumalanga hi Musumbhunuku hikwalaho ka ku nghenelela ka yena eka ku dlayiwa ka nuna wa yena, Sipho Shadrack Dimba, hi December 2019.
Gwebu u byerile huvo leswaku a thorile vahlaseri leswaku va dlaya nuna wa yena, naswona u va hakerile R20 000 ku endla tano.
Loko Maphorisa ma lavisisa rifu ra Sipho Dimba, va kumile leswaku nsati wakwe wa hoxeka eka rhengu ro dlaya Dimba, laha Maphorisa manganwi pfalela hikwalaho ko nghenelela ka yena eka vugevenga byo dlaya.
Muehleketeleriwa u pfumerile leswaku u kunguhate ku dlaya nuna wa yena, laha a nga paluxa leswaku a endlele [ku tsarisa] nuna wakwe tipholisi ta ntlhanu ta ndzindza-khombo, laha yin’wana ya tona a ku ri ya R530 000 leyi a yi ta hakeriwa loko [Sipho] a fa.
Hikwalaho khoto ya le henhla ya Mpumalanga yi n’wi vonile nandzu la ha yinga nwi pfale ekhotsweni vutomi hinkwabyo hikwalaho ka xiphemu xa yena eka ku dlayiwa ka nuna wa yena.
Ku vikiwa leswaku Ntsumbu wa yena w kumiwile Endzhaku ka masiku mambirhi.