Bester, Magudumani na Vaehleketeleriwa va nwani va languteriwile ku tlhelela ekhoto

BLOEMFONTEIN – Vanhu va Kaye va languteriwile ku tlhela va ti vonakarisa ekhoto ya Bloemfontein mixo wa namuntlha ku langutana na swihehlo leswi fambelanaka na ku pfuna mupfinyi tlhelo mudlayi Thabo Bester leswaku a baleka ekhotsweni ra mangaung lembe leri hundzeke.

Vaehleketeleriwa lava ku katsa murhandziwa wa Thabo Bester ku nga Dr Nandipha Magudumani, Tana wa Nandipha, Zolile Sekeleni, na ntlhanu wa khale ka vatirhi va G4S, xikanwe na muaka tiko wa Zimbabwe Zanda Moyo.

Vaehleketeleriwa lava va langutane na swihehlo swo hambana, ku katsa na vuxisi, vukungundzwana, ku pfuneta mubohiwa ku baleka,ku onha ntsumbu na swinwani swihehlo.

Kuya hi swiviko, ku tshembiwa leswaku vaehleketeleriwa lava va hoxe xandla eka ku baleka ka Bester, ku katsa na ku tisa ntsumbu ekhotsweni.

Kasi eka lava va Kaye, kova Vaehleketeleriwa vambirhi tsena va nga huma hi bayile, ku nga Tatana wa Nandipha Sekeleni na khale ka mutirhi wa G4S loyi a tirha eControl room Nastassja Jansen.

Ku tshembiwa leswaku mfumo wu ta kombela leswaku ku tengiwa ka nandzu lowu swi tlhelerisiwa endzhaku.