Ku Khoma Putin I ku Susa Nyimpi – Ramaphosa

Vandla ro kaneta ra, Democratic Alliance (DA), ri le ku ringeteni hi matimba ku sindzisa voko ra mfumo na ku tiyisisa leswaku President wa Russia Viadimir Putin wa khomiwa no nyiketiwa eka ICC loko a veka nenge eka tiko leri.

Kambe eka afidavhiti yo hlamula, Murhangeri wa tiko Cyril Ramaphosa u hlamusele xikombelo xa DA tani hi kuva “xi nga ri na vutihlamuleri” naswona u vule leswaku vuhlayiseki bya tiko byi le khombyeni.

“Russia ri swi veke erivaleni leswaku ku khoma Murhangeri wa rona Putin, swi ta va ku ri ku tlhotlho nyimpi na vona,” ku vula Ramaphosa.

“Swi ta va swi nga fambisani na Vumbiwa bya hina ku nghenisa vaaki va hina ekhombyeni ra nyimpi na Russia,” u vurile, a engetela leswaku leswi swi ta lwisana na ntirho wa yena wo sirhelela tiko.

Afrika-Dzonga ri lava ku ntshunxiwa ehansi ka milawu ya ICC hi ku ya hi mhaka ya leswaku ku veka nawu wa ku khomiwa loku swi nga xungeta “vuhlayiseki, na ku rhula etikweni,” ku vula Ramaphosa.