Mudyondzisi A Khomiwa
Eka mhangu yo chavisa leyi nga siya vaaki va le xifundzhakulu xa Eastern Cape va hlamarile, mudyondzi wa 16 wa malembe hi vukhale wo huma eKomani u lwela vutomi bya yena exibedlhele endzhaku ko hisiwa hi ndzilo.
Ku hehliwa leswaku mhangu leyi yi humelerile emavokweni ya mudyondzisi, leswi nga pfuxa ku hlundzuka no sola eka vaaki.
MEC wa dyondzo ya Eastern Cape Fundile Gade, u kombisile ku chava ka yena eka mhangu leyi, laha ku vikiwaka leswaku yi humelerile enzhaka ka loko kuva na ku tshukerisana ka Mahlo exikarhi ka mudyondzi na Mudyondzisi mayelana na tihuku leti yiviweke.
Swiviko swo sungula swi ringanyeta leswaku mudyondzisi, u tshiverile ndzilo ivi a lerisa mudyondzi leswaku a tlula eka wona tanihi muxaka wa ku xupula.
Hambi leswi mhangu leyi yi humeleleke hi Mugqivela wa ndzhaka vhiki leringa hundza, yi vile na nkucetelo lowukulu eka Ndzawulo ya Dyondzo, leswi endleke leswaku ku tekiwa magoza hi xihatla.
Mudyondzisi loyi a hehliwaka u khomiwile hi maphorisa naswona a a fanele ku ya ekhoto ya majisitarata ya ndhawu leyi hi Ravuntlhanu, September 15th, 2023.
