Mathebula A pfumela Ku u Yivile Handbag Ka Shorprite, Kambe Hayi Mali
Wansati loyi a henhliwaka hi ku yiva ‘handbag‘ eka vhengele ra Shorprite eMasingita Mall eGiyani vhiki leri nga hundza u kumikile. Wansati loyi ku hehliwaka leswaku i khamba, u tiveka tanihi Tinyiko Mathebula wo huma eKa-Madonsi [New Stands], naswona u siye vaaki va hlamarile hi swiendlo swa yena.
Phephahungu ra Giyani View ri tiyisisile leswaku hakunene Tinyiko Mathebula u vuyisile nkwama lowu ku henhliwaka leswaku u wu yiviwele. Nkwama leyi, ku vikiwa leswaku a yi nga ri na swikhiya swa movha ntsena kambe a yiri na swin’wana swo hlaya swa nkoka.
Hambiswiritano, nchumu wun’we wa nkoka a wu ri endzheni ka nkwama leyi, ku nga Mali, yona ayi kumekanga loko nkwama yi vuyisiwa. Ematshan’weni yo tlherisela nkwama na swilo leswi a swi ri endzheni swi helerile, yena u hlawule ndlela yin’wana ku nga ndlela yo yiva Mali.
Ku Vikiwa leswaku Muehleketeriwa Tinyiko u kombele mpfuno eka munghana wa yena wa xinuna leswaku a n’wi tlherisela nkwama hi ku n’wi yimela, naswona munghana wa yena u pfumerile lani a anga yi tlherisa.
Ku vikiwa leswaku eku sunguleni, Tinyiko u kanetile hi matimba leswaku a vula leswaku yena a nga tivi nchumu hi mali leyi lahlekeke, kambe xiyimo xi hundzuke swinene loko ku nghenelela Maphorisa. Endzhaku ko langutana na ntshikilelo wa maphorisa, Tinyiko u hetelele a pfumerile leswaku u tekile mali.
