Xitereka Xi nga Ntlhaveriwi hi Sana

Hi Andrew Hlongwane

Xitereka le xi ku vuriwaka leswaku a xi rhangeriwile hi Tatana Mashele kusuka emugangeni wa Dan ehandlenyana ka doroba ra Tzaneen, a xi tlhaveriwanga hi sana vanhu va nga se hangalaka.

Loko awara ya khume mimbiri yi tshama a henhla ka nhloko xitereka a xo sungula kambe kunga se hela na makume nharu wa ti minetse xitereka a xi fika makumu, endzhaku ka vukona bya Maphorisa mambiri. Xitereke a xi ri patwini ra R36 kusuhi na masira ya ka Hosana a Dan.

Ku vuriwa leswaku loko xibhebhe xin’we ntsena xa maphorisa ya Ritavi le xi a xi chayeriwa hi Kaputeni Jeffrey Ngobeni xi fika, Kaputeni Ngobeni u chikile a ri yexe a kongoma vatereki lava nhlayo ya vona ayiri a hansi ka khume.

Ngobeni u lerisile Mashele a vula leswaku u fanele ku susa marhavi na thyaka leri va nga ri haxa epatwile hi ku copeta ka tihlo.

Mashele a nga tiyisangi nhloko hi ku twisisa leswaku ku vaviseka na ku tlela a khotsweni swi nga ha humelela. Va susile hi ku hatlisela, leswi swi nga endla leswaku khuluko wa timovha wu famba kahle ku nga ri na ku khavanyetiwa.

Hi nkarhi wa xitereka Vaaki, a va kombisa ku vilela va khomile tibhodho to tsariwa leswaku ‘Cholera Outbreak’.

Mashele u vula leswaku vaaki va vilerisiwa hi ti soreji leti ti nga tshikiwa empfhukeni ti nga hlayisekangi a tikweni ra Dan.

“Hina hi hlamarisiwa hikuva tatana Mashele va yile va ya pfala pato lerinkulu ro huma Tzaneen ri kongoma a Lydenburg,” ku vula Maphorisa.

Ngobeni u siyele Mashele xileriso xa leswaku u fanele ku veka tihlo eka munhu loyi a nga ta sungula ku yima yima a pfala pato.

Ngobeni u hlamuserile leswaku loko tatana Mashele va ri na xiphiqo va fanerile ku kongoma eka va vukosi bya vona kumbe va CoGHSTA handle ka swona maphorisa va nge pfumeleli sweswo.

Tatana Mashele a nga kumekangi ku angula eka mhaka leyi, hi karhi wa ku hangalasiwa ka hungu leri.