Ku dzindza ka tilo lokukulu, ku pfuxa ku vilela hi ku cinca ka maxelo
Ndzhawu ya Niani ehandle ka musina yi vile na swidzedze swo matimba hi Ravumune na vusiku, leswi nga endla leswaku ku va na ku onhaka ka tindlu, tani hi leswi swi vikiweke hi Masipala wa Musina.Khombo leri ri tlakusa ku vilela hi mhaka yo anama ya ku cinca ka maxelo na xiave xa yona lexi nga ha vaka kona hi tlhelo ya maxelo yo boha , yo tanihi ku hisa ka Matimba, timpfula ta matimba na manwani maxelo mobiha yo fana na lawa.
Rhungula leri ri humesiweke hi Masipala wa Musina ri kombisa tirho wa xihatla wa Xipano xa vona xa Vulawuri bya Makhombo, lexi nga tsutsumela endhawini leyi hlaseriwaka hi xidzedze lexi ku kambela ku onhaka na ku lavisisa tindlela to pfuna lava khumbekeke hi ku copeta ka tihlo.
“Hi kumile swiviko swo sungula swa leswaku swidzedze swa vusiku bya tolo swi onhile eka tindlu endhawini ya Niani. Xipano xa hina xa Vulawuri bya Timhangu xi le ndzhawini liya ku lavisisa ku onhaka na ku kuma tindlela leti hi nga kotekaka ku ti tirhisa ku pfuna lava khumbekaka,” ku uvla Masipala wa Musina.
Ku cinca ka maxelo ku hundzuke mhaka leyi yaka emahlweni yi tshikilela emisaveni hinkwayo. Leswi swi katsa ku cica ka nkarhi woleha eka mahiselo, manelo ya timpfula, na maxelo yo biha hikokwalaho ka migingiriko ya vanhu, ngopfu ngopfu ku tsemiwa ka misinya.
I swa nkoka ku lemuka xidzedze lexi nga humelela emugangeni wa Niani, tanihi leswi xikombisaka leswaku ku cinca ka maxelo swi na vuyelo wo biha eka vanhu. Mahiselo ya Matimba yanga endla leswaku kuva na ku engeteleka ka mpfula na ndzhongho exibakabakeni, leswi, swinga hlohlotelaka swidzedze leswikulu swinene.
Naswona loko kuva na swidzedze leswikulu swinga endla leswaku kuva na timpfula ta matimba, mimoya ya matimba, na ku onhaka lokukulu ka tindzhawu na switirhisiwa.
Loko matshalatshala ya xihatla ya kongomisa eka ku hlamula eka timhangu na mpfuneto eka miganga leyi khumbekaka, swi tlhela swi va swa nkoka eka hinkwerhu ku languta xiave xa hina eku lulamiseni ka ku cinca ka maxelo.
Swiendlo swo fana na ku hunguta carbon footprint ya hina, ku hlayisa eneji, na ku seketela migingiriko ya swihlovo swa eneji leyi pfuxetiwaka i magoza ya kahle ya ku lwisana na ku cinca ka Maxelo
