Tatana a Dlaya Vana, No Tlhela a Teka Vutomi Bya Yena
Vaaki va muganga wa ka Mapakophele, ehansi ka Xifundzhatsongo xa Vhembe, va se le va ri ku chaveni na ku vilela eka mhangu yo vava. Maphorisa ya Xifundzhakulu xa Limpopo va pfule milandzu yimbirhi yo dlaya na nandzu wa ku lavisisa.
Leswi swi landzela ku dlayiwa ka vana vambirhi va majaha lavatsongo, va malembe ya 4 na 7 hi vukhale, laha ku hehliwaka leswaku va dlayiwile hi tatana wa vona, wa malembe ya 41 hi vukhale, loko a nga se teka vutomi bya yena.
Mintsumbu leyi yi kumiwile hi swirho swa vaaki, laha na sweswi swa ha kombisaka ku chavisiwa hi mhangu leyi. Vana lava va kumiwe va ri ni swilondza swo chavisa, naswona endhawini ya mhangu ku kumiwile banga laha Maphorisa ma tshembaka leswaku hi rona ri nga tirhisiwa eka mhangu leyo chavisa.
Muvulavuleri wa maphorisa ya xifundzhakulu Colonel Malesela Ledwaba u kombisile ku chava na ku vilela loku vaaki va nga na kona. U vule leswaku, “Leswi i mhangu leyi karhataka no onha hakunene. Vutomi bya vana byi tsemiwile hi ndlela yo chavisa, naswona hi sale na swivutiso swo tala swa leswaku hikokwalaho ka yini leswi swi humelerile. Marito yo chavelela eka ndyangu na vaaki lava khumbekeke hi leswi.” khombo.”
Eka nkarhi lowu, xivangelo xa mhangu leyi xo chavisa a xi se tivwka eka karhi wa sweswi naswona swi endla leswaku vaaki va sala va ri karhi va lwisana ni gome.
Maphorisa va le ku endleni ka vulavisisi ku kuma xivangelo xa mhangu leyi.
