Xikolo xa le Giyani xi hlawuriwile tanihi Finalist eka Mphikizano wa Rixaka wa EduPlant 2023!

Eka nkombiso lowu tsakisaka wa ku tinyiketela eka nsirhelelo wa swakudya na dyondzo, swikolo swa ntlhanu leswi humaka eXifundzhenikulu xa Limpopo swi fikelerile tifayinali eka Mphikizano wa ndhuma wa 2023 wa EduPlant School Gardening. Xin’wana xa Xikolo lexi nga kota ku fikelela tifayinali i xikolo xa le hansi xa Mbhureni [Mburheni Primary School] kusuka eGiyani ka xifundzhatsongo xa Mopani.

Xikolo xa Mbhurheni xi ta phikizana na swikolo swin’wana swa 32 etikweni hinkwaro ku kuma xiyimo xo sungula eka mphikizano, ku katsa na tindhawu tinharhu leti navetisiwaka ta rixaka na masagwadi ya nhungu ya swikolo swa xifundzakulu, xikan’we na xidlodlo lexi navetisiwaka xa ‘Fan Favorite’.

Xikolo xa Mbhureni i xin’wana xa swikolo  swa 300 ku suka etikweni hinkwaro leswi ngheneleleke nongonoko wa EduPlant eku sunguleni ka lembe ra 2022. Ku sukela loko va ti tsarisile, va endlile ti-training leti lavekaku eka tithekiniki ta permaculture, laha va va hlomiseke hi vuswikoti bya ku byala miroho, mihandzu, na swimilani.

Mintshovelo leyi yi tlanga xiave xa nkoka eka minongonoko ya swikolo yo phamela vadyondzi ‘schools’ learner feeding programs’, ku tiyisisa leswaku swichudeni swi fikelela swakudya leswi nga na rihanyo. Swakudya leswi salaka loko ku ntshoveriwa swi averiwa hi ku hanana eka miganga leyi va humaka ka yona.

Bharathi Tugh, the Manager of EduPlant at Food & Trees for Africa, u kandziyisile nkoka wa ku byala eka majarata ya swikolo, laha a nga kombisa leswaku “outdoor classrooms’, hi laha swichudeni swi kumaka vutivi bya nkoka swinene eka vurimi, sayense ya ntumbuluko, xikanwe na swakudya.”

Tugh u kombisile ntsako wa yena eka ntirhisano wa vona na Tiger Brands, lowu tekeke malembe ya ntlhanu, kuri ndlela yo seketela kungu leri ra mphikizano.

Xa nkoka, vutshila na vutivi lebyi kumiwaka hi swichudeni na vadyondzisi hakanyingi swi hundza ehandle ka tinyangwa ta xikolo. Hi ku hanana va avelana vutshila bya vona lebyintshwa lebyi va byi kumeke na miganga ya vona, va hlohlotela van’wana ku simeka ku byala swakudya emajaratini ya vona ku ri ndlela ya ku fikelela swilaveko swa vona swa swakudya na ku endla mali.

Lulu Khumalo, Mulawuri wa Timhaka ta Mabindzu eka Tiger Brands, u bumabumerile ku tinyiketela loku kombisiweke hi swikolo leswi nga kota ku fikelela eka tifayinali ta mphikizano, eka makungu ya yona yo ndlandlamuxa nsirhelelo wa swakudya eka vadyondzi na miganga ya vona hi ndlela leyi swi nga ta endla leswaku swi tshama nkarhi wo leha.

Khumalo u kombisile matimba yo hlawuleka ya kungu ra EduPlant, leri nyikaka matimba eka vantshwa ku teka vutihlamuleri bya swilaveko swa vona swa swakudya na ku va vaseketeri.

Vahluri ka Mphikizano lowu va ta hlawuriwa hi kuya hi leswi simekiweke eka ku tirhisiwa ka milawu ya permaculture na leswi antswisiweke hi ku tirhisa vutivi lebyi va byi kumeke eka tiwekhixopo.

Tidizayini ta vona bya masimu, vuswikoti bya vufambisi bya phurojeke, na ku namarhela tipulani ta nhluvukiso na swona swi ta kamberiwa hi vukheta.

Swikolo swa ntlhanu leswi humaka eXifhundzenikulu xa Limpopo swi katsa swikolo swo tanihi, Grace and Hope Special School ePolokwane, Ledingwe Primary School eLedingwe, Mbhureni Primary School eGiyani, Mookgopong Primary School eNaboomspruit, na Namatsabo Primary School eSekgosese,

Xitiviso lexi languteriweke hi mahlo-ngati xa vahluri va mphikizano xi ta tivisiwa hi Ravumbirhi, Khotavuxika 31, 2023. Riendzo ro hlamarisa ra swikolo leswi ro tumbuluxa vumundzuku byo vangama, lebyi hanyeke kahle eka swichudeni na miganga ya swona ri yima tanihi vumbhoni bya vuswikoti byo cinca loko swita eka dyondzo, hambi ku ri ku ti nghenelerisa eka migingiriko ya vaaki