Wansati U langutane na swihehlo swa vukungundzwana
Wansati wa makume ntlhanu nharhu wa malembe hi vukhale u languteriwile ku ya emahlweni ka khoto ya majistarata ya Polokwane namuntlha, a langutane na swihehlo swa vukungundzwana.
Wansati loyi u hehliwa hi ku ringeta ku nyika Phorisa ra vulavisisi Mali leswaku ri nga kanetani na ku nyikiwa ka muhlekisana wa yena beyili.
Jaha ra yena ri khomiwile mayelana na ku yiva xibamu xa mfumo na ku phanga eka ndhawu ya maphorisa ePolokwane, mhangu leyinga humelela hi N’wendzamhala 2023.
Kuya hi Muvulavuleri wa Maphorisa Brigadier Hlulani Mashaba, muehleketeleriwa loyi ku tshembiwaka leswaku i ntombhi ya wanuna loyi a hehliwaka, u tshinelerile phorisa kusuka eka Murder and Robbery Unit.
Mashaba u boxe leswaku wansati loyi u khomiwile hi nkarhi wa vulavisisi bya le xihundleni ePolokwane hi Mugqivela.
“U khomiwile endzhaku ka ku nyikiwa ka mali yo sivela muofisiri wa vulavisisi ku kaneta beyili ya jaha ra yena leri languteriwaka ku ya ekhoto vhiki leri taka,” ku vula Muvulavuleri Mashaba.
