Ku Lavaveka Mudyandzhaka – Xamaccombo

Share the News

Muyimbeleri wa ‘Switori swa Magayisa’ Xamaccombo hi ku tinyungubyisa u tivise valandzeri va yena hi n’wana wa yena wa nhwanyana wa vumune, naswona u n’wi nyikile vito ro hlawuleka ra Mbulwa Shiburi.

Kambe swi tikomba onge Xamaccombo u anakanyisisa hi mhaka ya leswaku a nga va a ri hava mbewu ya vana va xinuna tanihi leswi a nga na vana va vanhwanyana ntsena.

Hi marito yo hlekisa, u vutisile, “Xana ndzi na mbewu ya vanhwanyana ntsena?”.

Tatana loyi a nga ni rirhandzu u kombise ku vilela hi leswaku i mani loyi a nga ta dya ndzhaka ya ntirho wakwe wo tika ni tinyiko ta yena loko a nga ha ri kona emisaveni.

Xamaccombo u paluxe ku navela ka yena ka n’wana wa mufana,no tlhela a vona hi mahlo ya mianakanyo leswi a nga n’wi vitanisaka xiswona hi ku tinyungubyisa loko a ku”Xama Jnr.”

‘Post’ ya muyimbeleri Xamacombo yi kombisa ndlela ya yena yo olova loko swita eka vutswari, yi tlhela yi kombisa rirhandzu leri a nga na rona eka vana va yena.

Hambileswi rimbewu ra vana ri nga lawulekiki, ku anakanyisisa ka Xamaccombo hi ku kongoma hi vutatana ku tisa langutelo leri phyuphyisaka eka mintlhontlho ni ntsako wa ku kurisa vana va yena.

Mathunse Hlukani

Hlukani Mathunse is a talented journalist and media professional with a passion for storytelling and community engagement.

Leave a Reply

Your email address will not be published. Required fields are marked *